Hof beslis oor Chris Hani-moordenaar

hof-hamer

Argieffoto.

Die hooggeregshof in Pretoria het Donderdag ʼn beslissing gemaak rakende Chris Hani se sluipmoordenaar, Janusz Walus.

Die hof het beveel dat Walus op parool vrygelaat moet word. Mthunzi Mhaga, woordvoerder van die departement van justisie, het gesê die departement sal die uitspraak bestudeer en besluit of hulle gaan appelleer.

“Ek kan nie bevestig dat hy wel op parool vrygelaat sal word nie. Wat ek kan bevestig, is dat die regter gesê het hy moet binne 14 dae op parool vrygelaat en borgtogvoorwaardes gegee word,” het Mhaga gesê. “Ons gaan steeds die uitspraak bestudeer en besluit of ons appèl sal aanteken of nie.”

Walus, ʼn Poolse immigrant, het Hani, die leier van die Suid-Afrikaanse Kommunistiese Party (SAKP), op Paassondag in 1993 doodgeskiet. Hy is oorspronklik die doodstraf opgelê, maar dit is later na lewenslange tronkstraf omgeskakel nadat die doodstraf afgeskaf is.

Clive Derby-Lewis, wat ook lewenslange tronkstraf uitgedien het vir sy aandeel in die moord op Hani, is verlede jaar ná herhaalde pogings op mediese parool vrygelaat.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Michael

Sjoe,die ou is al amper net so lank soos Mandela in die tronk hy het sekerlik nou sy straf uitgedien maar as hulle will appèl aanteken teen die uitspraak moet asb nie vir Shabir Sheik wat wonderbaarlik genees het vergeet nie

Frederik

Dit wil voorkom of Derby-Lewis ook van Shaik se muti op die swartmark kon kry. Dit bly tragies dat Walus juis hierdie karakter moes ontmoet toe hy destyds besluit het om SA te besoek.

Piet

Moes Reeva se familie ook toestemming gee vir parool of is dit net omgekeerde politieke moordenaars waar familie mag inmeng?

Theresa B

Uitstekende vraag Piet !!

Bruno Stef

Janusz Walus se agtergrond is dat hy na SA ge-immigreer het ten tyde van die okkupasie deur die Russiese kommuniste van Pole na die tweede wereld oorlog.Hy het kommunisme met n passie gehaat omrede van sy familie lede deur die kommuniste gemartel en gedood is en seker maar vir Hani as SA kommunistiese leier as n goeie teiken gesien om wraak te neem.