Hof besluit oor ‘Dros-verkragter’ se appèlaansoek

Nicholas Ninow tydens ‘n vorige hofverskyning. (Foto: Oupa Mokoena/ANA)

Die veroordeelde kinderverkragter Nicholas Ninow se aansoek om teen sy skuldigbevinding en vonnis te appelleer, is in die Pretoriase hooggeregshof van die hand gewys.

Regter Mokhine Mosope het bevind dat dit onwaarskynlik is dat ʼn ander hof ʼn ander bevinding sou maak.

“Die aansoeker het my nie oortuig dat hy ʼn redelike kans op sukses het nie,” het Mosope gesê.

Regter Mokhine Mosope tydens Dinsdag se uitspraak. (Skermgreep: eNCA)

Mosope het Ninow, wat later as die Dros-verkragter bekend gestaan het, in Oktober verlede jaar lewenslank tronk toe gestuur vir die verkragting van ʼn sewejarige dogtertjie in die badkamer van ʼn Dros-restaurant.

Die 21-jarige Ninow het skuld beken.

Mosope het Ninow ʼn bykomende vyf jaar tronkstraf opgelê vir die besit van onwettige middels en nóg vyf jaar vir dwarsboming van die gereg. Laasgenoemde vonnisse word gelyklopend met die vonnis vir verkragting uitgedien.

Die verkragting het in 2018 in die badkamer van ʼn Dros-restaurant in Pretoria plaasgevind.

Ninow se naam is ook in die register vir seksoortreders opgeneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Stofbakkies

Dankie tog daarvoor, hy het ‘n kleindogtertjie vir die res van haar lewe geskend, hy moet sit, ek is jammer, ek is ook ‘n ma en het geen genade vir seksoortredings nie. Wens net die regstelsel wil ALLE moordenaars ook nou maar lewenslank tronk toe stuur sonder enige kans op parool.

sammy

Gooi sy sel se sleutel weg! Hou hom waar hy is!

Gawie

Ek sal net graag wil weet wie het hom aangeraai om te probeer appélleer. Seker ‘n slinkse prokureur wat weer gesien het hier is ‘n geld-kraantjie wat hy kan probeer opdraai.

Belinda

Goeie Regter, jy het die regte ding gedoen en ek stem saam met jou, geen ander hof kan tot ‘n ander gevolgtrekking kom nie, dit sal ook vir Ninow help om te werk aan sy probleem, hy is bewus daarvan soos dit in die hof uit sy getuienis gekom het, hy kan werk maak daarvan, maar ek glo nie dit sal minder as 25 jaar neem nie. Wens net alle verkragters kan so goed vasgevat word.

Gawie

Maroela – wat is die regter se van? MosopA of MosopE? Albei word in die berig gebruik.