Hof bevestig: Zuma bly agter tralies

Oudpres. Jacob Zuma bly agter tralies – vir eers – nadat die hof sy aansoek van die hand gewys het. (Foto: Emmanuel Croset/AFP)

Oudpres. Jacob Zuma, wat pas sy eerste nag in die Estcourt-gevangenis in KwaZulu-Natal agter die rug het, bly agter tralies. Hy moet boonop nou nog vir die aansoek om hom uit die tronk te hou, óók betaal.

Regter Bhekisisa Mnguni het ʼn kort rukkie gelede Zuma se aansoek, dat die lasbrief vir sy inhegtenisneming ter syde gestel word, in die Pietermaritzburgse hooggeregshof met koste van die hand gewys.

Ten spyte van die aansoek het Zuma hom nietemin eergisteraand aan die owerhede oorgegee om sy tronkstraf van 15 maande te begin uitdien. Die Konstitusionele Hof het hom dié straf vroeër opgelê nadat hy aan minagting van die hof skuldig bevind is vir sy versuim om, ten spyte van ʼn hofbevel wat hom dwing om dit te doen, voor die kommissie na staatskaping te verskyn.

Die oudpresident se laaste hoop is nou op die Konstitusionele Hof. Sy aansoek dat die uitspraak herroep word, word Maandag aangehoor.

Die Estcourt-gevangenis in KwaZulu-Natal. Oudpres. Zuma dien sy tronkstraf hier uit. (Foto: AFP)

Intussen het Ace Magashule, geskorste sekretaris-generaal van die ANC, vandag ook ʼn bloutjie in die hof geloop het. Magashule het sy aansoek, dat sy skorsing uit die party ter syde gestel word, verloor.

Carl Niehaus, nog ʼn noue bondgenoot van Zuma, is gister in hegtenis geneem en met ʼn boete van R3 000 vrygelaat nadat hy aangekla is ingevolge die Wet op Rampbestuur. Niehaus word daarvan beskuldig dat hy ʼn byeenkoms, wat tans ingevolge die regulasies verbied word, by Zuma se huis in Nkandla georganiseer het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

27 Kommentare

piet ·

Mooi, nie dat dit veel saak maak nie. Ek hoor hy is in die hospitaal-eenheid opgeneem. Hier kom ‘n Sheik-geval. Speel die dodelike siek Shabir nog gholf?

Wat op dees Aarde ·

Hy is net in die hospitaal-eenheid omdat hy vir 14 dae moet isoleer. Daarna gaan hy na die selle. Die isolasie tydperk is ingevolge die rampbestuurwet.

piet ·

Ek sal nie verbaas wees as hy kla van gesondheidsprobleme nie.

Elize ·

Neem Zuma se kinders ook in hegtenis. Hulle por die mense aan om op te trek Natal toe en nou is daar moeilikheid aan die broei.

Jannie van Niekerk ·

Moenie worrie oom Zumpies. Binnekort speel jy gholf saam met Shanbir wanneer jy op “mediese parrol” uitkom.

Cherokee ·

Waarom het julle sulke troetelnaampies vir zuma? Moet nie soos ‘n aanhanger klink nie.

SjN ·

Mooi man, vertragingstegniek het toe nie so mooi uitgewerk nie, laat die hof maar vir hul besluit, vader Jakob gaan aan sy gholf voorgee werk. Sy vriend Shaik kan die joggie wees aangesien sy Ace besig is om weg te smelt.

Willem ·

Dis nou 3vlieë met een klap …maar is die klap hard genoeg om die ander kandidate weer te laat dink ??…

JM ·

Hoog tyd dat Jacob Zuma, Carl Niehaus en Ace Magashule se turf sit. Die land is moeg van hulle wetteloosheid en uittarting.

piet ·

Ou Carl Niehaus is seker nou baie ontsteld. Hy wou so graag die martelaar-rol speel en ook tronk toe gaan, toe kry hy ‘n boete. Ha, ha.

JohanR ·

Ek sien hier en daar op nuus berigte dat Zuma is nog nie eers IN die tronk nie, en praat al klaar van hoe vinnig hy daar kan UITKOM. Blykbaar moet jy 25% van jou tyd uitdien soe die is 3.75 maande. As sy tyd vir parool kom kan ek as ‘n lid van die publiek beswaar maak teen Zuma se vrylating? As die Hani familie dit keer op keer op keer kan doen????????????

James Milne ·

Ek het so gehoop meneer Nie-huis het nou n woning gekry met lewenslange woonregte!

marius ·

Kyk hoe vinnig word die hospitaal se tuine opgeknap vir wandelingtjies en verversings . Dis die waarheid . Moenie dink dat almal wat in die hool bly verstandelik gestremd is nie .

Oom Hennie Pennie ·

Uiteindelik begin geregtigheid geskied. Baie BID hiervoor

Andries ·

Wil net die balangstelindes in kennis stel dat Zupta se sel no verander het as hulle hom in hande wou kry

Arthur ·

Dink Zumpie het sy mag oorskat. Wonder hiekom kom hy nie uit met al die geheime wat hy het nie? Dalk het hy nie geheime nie, want hy is due soort mens en deel van n party wat met grootste liefde iemand in rug sal steek om homself te red

Sarel ·

Hierdiie is vulletjie want hulle kan nie Grondwethof
Se besluit tersyde stel.nie..vraag is of Grondwethof die
Toets gaan deurstaan

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.