Hof genader om Gordhan terug in sy pos te kry

Pres. Jacob Zuma. Foto: Chester Makana/ANA

Die DA het Woensdag ʼn dringende aansoek by die hooggeregshof in Pretoria ingedien om pres. Jacob Zuma se besluit om Pravin Gordhan, voormalige minister van finansies, en sy adjunk, Mcebisi Jonas, uit hul poste te verwyder, ongeldig te laat verklaar.

James Selfe, voorsitter van die DA se federale uitvoerende komitee, het gesê die party versoek die hof om te bevind dat die besluit irrasioneel, en dus ongrondwetlik was, en dit ter syde te stel. Die DA het ook versoek dat alle rekords van die besluit om Gordhan en Jonas af te dank binne vyf dae by die hof ingedien moet word.

Zuma se middernagtelike kabinetskommeling verlede week het talle Suid-Afrikaners warm onder die kraag gelaat, veral ná Standard & Poor’s se besluit om, na aanleiding van die kabinetskommeling, Suid-Afrika se kredietgradering na rommelstatus af te gradeer.

Selfe het gesê Zuma se besluit om Gordhan en Jonas in die pad te steek sal na verwagting tot verdere werkverliese lei en ʼn langdurige en rampspoedige impak op gewone Suid-Afrikaners hê.

Die DA het hom Vrydag inderhaas tot die Wes-Kaapse hooggeregshof gewend om ʼn dringende aansoek te bring vir ʼn interdik om die inhuldiging van die nuwe ministers en adjunkministers te verhoed. Die hof het egter die DA se aansoek van die hand gewys.

Selfe het Woensdag gesê die gebruik van enige openbare mag, soos die aanstel en afdank van ministers, is onderhewig aan wetlikheid. “Die Grondwet vereis dat die gebruik van openbare mag rasioneel moet wees, vir ʼn wettige regeringsdoel aangewend moet word en gegrond moet wees op korrekte feite. Tog het Zuma na bewering hierdie besluit gemaak geskoei op ʼn ‘intelligensieverslag’ wat deur verskeie mense, insluitend ANC-hooggeplaastes, met minagting van die hand gewys is,” het hy gesê.

Hy het gesê dit is hoogtyd dat Zuma aanspreeklik gehou word en dat sy slegte invloed op die land verwyder word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Buitestander

‘n Diktator se opteede.

Koos

DA julle Mors net geld, die hof is no1 georienteer en hy is soos n Kat met botter aan sy pote, hy move nie

Louis

Ons sit met ‘n spul slap ANC lede wat Zuma sal moet verwyder. Zuma identies nou soos Mogabe

ehdbwhebsiwi

die hele land moes die week tot stilstand gekom het niemand moes gaan werk het nie. n totaal stilstand. die DA mors hulle tyd en geld

Bullseye

Vermorsing van tyd en geld..hy sit soos die spreekwoordelike mis aan n wolkombers