“Hof het ons verraai,” sê Reeva se halfbroer

Reeva Steenkamp

Reeva Steenkamp

Reeva Steenkamp se halfbroer, Adam Steenkamp, het in ʼn onderhoud met die Daily Mail gesê Oscar Pistorius se moordverhoor was ʼn “groteske pantomime”.

Adam, wat in Engeland woon, het in die onderhoud gesê sy familie is deur die hof verraai en dat Pistorius ʼn “moordenaar is wat aan opsetlike moord skuldig bevind moes word”.

“In my hart weet ek dat hy daarmee weggekom het. Hy het met moord weggekom. Ek verstaan nie die logika daarvan om iemand wat vier skote op ’n klein toilet se deur afvuur, vry te spreek van moord nie. Dit is nie die optrede van iemand wie se bedoeling nie was om dood te maak nie,” het Adam gesê.

Regter Thokozile Masipa het Pistorius verlede week onskuldig bevind op aanklag van moord. Sy het hom skuldig bevind aan strafbare manslag. Pistorius se vonnisoplegging sal op 13 Oktober begin.

Volgens die berig in die Daily Mail gaan Steenkamp se ouers voort met ʼn vergoedingseis teen Pistorius. Lees meer hier.

Die Suid-Afrikaanse Sportkonfederasie en Olimpiese Komitee (Saskok) het intussen Maandag gesê Pistorius kan weer vir Suid-Afrika deelneem solank dit nie strydig is met die hof se uitspraak nie.

Klik hier vir meer inligting oor die Oscar Pistorius-saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Francois

Siestog…hulle soek nou net geld en sensasie en sal elke denkbare onderhoud voer wat hulle sak pas.

Mariki van Heerden

Ons woon in England en het die hofsaak deurgans gevolg. Ons is jammer vir Oscar maar ons verstaan nie die uitspraak nie. Dis vir ons heel duidelik dat hy in woede opgetree het en wel spyt gekry het toe hy besef wat hy gedoen het. Geregtigheid is iets wat nie meer bestaan nie. In elk geval sal hy nooit weer los wees van wat daardie nag gebeur het nie.

SNEL

Dis groot ding van die Suid Afrikaner; hulle kan nie saam staan nie en kry lekker as een homself in n slegte situasie bevind. As Oscar dan nou so aaklig met haar was, hoekom het sy by hom gebly….geld, roem? Nou wil haar ma-hulle hom tap vir geld. Laat ons almal begin eise insit teen die mense wat n geliefde van ons laat sterf het. Wie in sy gesonde verstand sal moord pleeg as hy weet die hele wêreld se oë is op hom en as hy so baie het om te verloor ? Hy sou haar gelos het, nie… Lees meer »

Theresa

Ek stem saam met Adam. Die uitspraak maak nie sin nie. Goeie genade. Dit bly moord. Al was dit iemand anders agter daardie deur. Oscar het baie goed geweet dat dit Reeva was. Maar hy sal maar moet antwoord by die Allerhoogste. Ek is bitter jammer vir Reeva se familie. Ek wens julle krag en sterkte toe om hierdie te hanteer.

Theresa

Francois – Ek wil sien of jy dieselfde sou gesê het as so iets met een van jou geliefdes gebeur het. As dit my kind was wat so doodgeskiet is – sal ek hom jag orals waarheen hy gaan.