Hof keer Guptas se versoek dat Gordhan moet opdok

Pravin Gordhan. Foto: Flickr/GovernmentZA

Die Pretoriase hooggeregshof het Dinsdag ʼn versoek deur die Gupta-beheerde Sahara Computers verwerp dat minister van finansies Pravin Gordhan persoonlik die regskoste moet betaal in die voortslepende hofsaak waarby Suid-Afrika se groot banke betrokke is.

Regterpresident Dunstan Mlambo het gesê die 14de respondent [Sahara Computers] het ʼn kennisgewing ingedien waarin die outoriteit bevraagteken word van die staatsprokureur om die aansoeker, die minister van finansies, te verteenwoordig. Mlambo het gesê die hof is tevrede dat die staatsprokureur wel voldoende mag het om Gordhan te verteenwoordig tydens die hofverrigtinge.

Adv. Kameel Premhid, vir Sahara Computers, het ook aangevoer dat Gordhan persoonlik die regskoste vir die “onnodige aansoek” moet betaal, omdat hy glo betrokke is in ʼn “politieke sameswering”.

Gordhan het die hof genader om ʼn verklaringsbevel uit te reik wat hom sal verhoed om in te gryp in die dispuut tussen die Gupta-beheerde Oakbay Investments en Suid-Afrika se groot banke.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Landi Maree

Vandat di Gupta in Jacob Zuma se kamp beland het gaan ons land net meer agteruit uit raak di regering net meer korrup
Hulle beheer ons president en hy spring soos n marionet
En dan maak hy in elk geval met ons lan en regering asof hulle n sirkus is n di res net marionette.

Lollie

Die Guptas wil ook oral die gitaar slaan!

Johann

Whahahahaaaa. Die Adv se naam is Kameel? Hy wil seker die GUPTAS deur Sahara sleep en red…?

AL

Dankie Here dat U ingegryp het. Die Zuptas se dae is getel.

Marie Visser

Ek sou my so skaam as ek die Guptas was, ek sou stert tussen die bene die land uitgevlug het en al my Zubagasie saamgevat het.