Hof moet nou besluit oor Walus se paroolaansoek

Tydens ‘n vroeëre betoging teen Janusz Walus se vrylating. Foto: ANA

Michael Masutha, voormalige minister van justisie en korrektiewe dienste, was bevooroordeeld toe hy besluit het om nie vir Janusz Walus, Chris Hani se moordenaar, parool toe te staan nie.

Só het adv. Roelf du Plessis, Walus se regsverteenwoordiger, Maandag in die Pretoriase hooggeregshof aangevoer.

Walus vra die hof om Masutha se besluit om te keer en hom op parool vry te laat en na Pole, sy geboorteland, te deporteer. Hy dien reeds meer as 25 jaar tronkstraf uit vir die moord op Hani, voormalige leier van die Suid-Afrikaanse Kommunistiese Party.

“Die redes op grond waarvan Masutha Walus parool geweier het maak glad nie melding van die positiewe aspekte vervat in Walus se sielkundige verslag nie. Dit fokus slegs op die negatiewe punte,” het Du Plessis gesê.

Volgens Du Plessis het die sielkundiges Joel Mbele en Zelda Buitendag albei bevind die kans is skraal dat Walus weer ʼn misdaad sal pleeg indien hy vrygelaat word. Hulle het ook bevind dat hy berou toon vir die moord. “Walus vat volle verantwoordelikheid vir wat hy gedoen het en het berou betoon teenoor Hani se familie. Hy aanvaar dat hy ʼn verkeerde keuse gemaak het. Ten spyte hiervan het Masutha steeds bevind dat Walus nie berou toon nie,” sê Du Plessis.

Dit is die vierde keer dat ʼn hof moet besluit of Walus vrygelaat moet word of nie. Du Plessis het die hof gevra om te besluit oor die saak eerder as om dit terug na die minister te verwys.

Adv. Marumo Moerane, Masutha se regsverteenwoordiger, het aan die hof gesê die besluit om nie aan Walus parool toe te staan nie, was ʼn rasionale besluit wat geneem is op grond van die sielkundige verslae wat aan hom beskikbaar gestel is.

“Die minister het rede gehad om bekommerd te wees oor Walus se gebrek aan berou. Indien jy nie berou het nie, is die risiko dat jy weer ʼn misdaad pleeg soveel groter,” het Moerane aangevoer.

Uitspraak word voorbehou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
wilma

hoeveel moordenaars het werklik berou getoon en so min as ses jaar agter tralies dan weer op str om weer misdaad te pleeg

schaun

Die man het sy skuld betaal laat hom vry.

Corrien

Berou, my magtig die ja stemmers moet Berou toon. Elke dag ervaar ek die negatiewie gevolge van die flippen ja stemmers. Mede danksy hulle sit Walus nog in die tronk, skande.

PJC

Dit is onaanvaarbaar dat hierdie minister en die Hani familie meer sě het as die howe. Dit is hierdie tipe optrede wat wys hoe diep die haat vir die witman loop. So lank as wat hierdie tipe optrede plaasvind sal ons mekaar haat. Dit beklemtoon ook hoe min van ń toekoms ons en ons kinders onder ń ANC regering het.

Stebastiaan

Hierdie minister is net soos die voriges net weer besig om haat aan te blaas. Is hani se lewe dan meer werd as al die boere vermoor is, driekwart van hulle moordenaars is al parool toegestaan. Hierdie land het twee regstelsels, sonder twyfel!!!