Hof moet sê of struggle-lied rassisties is

Die National Union of Metalworkers of South Africa (Numsa) het Vrydag gesê hy wag op ʼn uitspraak van die konstitusionele hof om te beslis of ’n struggle-lied wat deur sy lede gesing is rassisties is.

Argieffoto van ‘n Cosatu-betoging deur lede van Numsa

Die hof het Donderdag ʼn aansoek deur die maatskappy Duncanmec aangehoor wat vyf jaar gelede werkers afgedank het omdat hulle dié Zoeloelied gesing het.

Die lied was gewild gedurende die apartheidsjare en indien dit losweg vertaal word, kom dit daarop neer dat dit goedgekeur word om ʼn “boer leed aan te doen”. Numsa sê hierdie woorde verwys na die “afstammelinge van Hollandse setlaars in Suid-Afrika”.

Volgens Numsa het Duncanmec die saak by die konstitusionele hof ingedien nadat die Kommissie vir Versoening, Bemiddeling en Arbitrasie (KVBA) en die arbeidshof beslis het dat die werkers onregmatig afgedank is en weer aangestel moet word.

“Die saak is Donderdag deur die konstitusionele hof aangehoor wat sal besluit of die uitspraak van die arbeidshof en KVBA gehandhaaf moet word en of die uitspraak omgeswaai moet word in Duncanmec se guns,” het Numsa in ʼn verklaring gesê.

“Ons hoop dat die hof tot die regte beslissing sal kom en die besluite van die arbeidshof en die KBVA sal ondersteun. Struggle-liedere vertel die storie van ons stryd teen apartheid.

“Struggle-liedere is deel van wie ons is en hoe ons as die swart werkersklas-meerderheid ons uitdruk. Enige beperking ten opsigte van hierdie reg sal ʼn beperking wees van die reg op vryheid van spraak.”

Die konstitusionele hof het uitspraak voorbehou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

52 Kommentare

jongste oudste gewildste
No name

So dis ok om struggle lied te sing tydens n betoging en te se dis ok om wit mense te vermoor maar as ons die stem sing en ons vlag ophef is ons rasisties dink baie mooi want as dit ok is om dit te los dat hul dit sing dan is rasisme nogsteeds in die lig. En om jou te se dis hoe jy jul uitdruk dan kan ons ook dieselfde doen try us!!!

Komaan

JA ONS WAG OOK IN SPANNING. Want as ‘swart man’ in die laaste saak as RASSISTIES beskou is sal ek graag nou GEREGTIGHEID wil sien. NIE ALLEEN is die struggle song RASSISTIES nie, maar glad nie meer nodig nie aangesien die witman nie meer aan bewind is of apartheid meer ter sprake is nie. Dit is haatspraak en aanhitsing tot geweld op spesifiek EEN rasgroep . ek sou GRAAG wou sien as blankes dieselfde liedjie sing en die boer of settler net met swartes vervang wat die uitspraak dan sou wees? Hoekom het hulle altyd nodig om liedjies te sing… Lees meer »

Oom Kalahari

Vur ons is daai liedere rassisties en aanhitsinge. As hul dit goedkeur wil ons ook ons “Stem” sing en vlag behou wat ook ‘n lang pad van tradisies en behoud kom en waarde aan heg. Die beperkinge hierop is die onreg, verdrukking en beperkinge op wie ons is.

Al

Die struggle is +- 28 jaar al verby toe NP samesprekenings gehou het met ANC oor vrylating van Nelson Mandela. Daar is geen rede om verder struggle liedjies te sing nie. Dit hoort aan ñ verbygaande era. Punt.

Oom Kalahari

Hier kom die groot toets en Afriforum moet die uitslag as dit in hul guns is na die buitelandse Strafhof neem vir verder bestudering. Onregverdige uitslae deur Regters maak hierdie sogenaamde Reenboog Demokratiese bestel nul en void en is daar geen versoenings basisse nie. Te veel word die minderheid ontneem en verdruk vir 24jaar lank al, hoeveel te meer moet hierdie mishandelde sisteem van onregverdigheid voortduur. Daar is geen verdere “Struggle” prosesse waarvan ons bewus is nie tans en was ingelig dat daar eenvormigheid, respek en gelykheid vir almal is in 1994. Steve word gou gesond jong, dit lyk of… Lees meer »