Hof moet sê oor selfverdediging – Ramaphosa

Pres. Cyril Ramaphosa. (Foto: Elmond Jiyane/GCIS)

Volgens pres. Cyril Ramaphosa sal howe eindelik die finale sê oor die voorgestelde wysigingswetsontwerp omtrent die besit van vuurwapens vir selfverdediging hê.

Dié stelling is gemaak in ’n antwoord op ’n vraag in die parlement Donderdagaand waar die president ’n aantal joernaliste toegespreek het.

Maroela Media het berig dat die wysigingswetsontwerp onder meer voorstel dat geen vuurwapenlisensie vir selfverdedigingsredes uitgereik sal word nie.

“Uit ’n wetlike oogpunt het ek nog altyd verstaan dit is selfverdediging wanneer jy ’n vuurwapen besit en dit gebruik indien jou lewe bedreig word.

“Die howe het egter jare lange ondervinding met selfverdedigingsake en is in die beste posisie om ’n finale beslissing daaroor te maak. Ek glo dat die howe uiteraard die voorgestelde wysigings sal bevraagteken.”

Die wysigingswetsontwerp is op Vrydag 21 Mei in die Staatskoerant bekendgemaak en sedertdien vir kommentaar oopgestel.

Verskeie organisasies en politieke partye het die wysigings as “roekeloos” en “irrasioneel” bestempel, terwyl Gun Free South Africa (GFSA) dit verwelkom het. Laasgenoemde meen dié wysigings is nodig en sê dat Suid-Afrika ’n baie veilige land sou wees indien vuurwapens doeltreffend was om mense veilig te hou.

“Deur die beskikbaarheid van vuurwapens te beperk, beperk jy ook die aantal vuurwapensterftes,” het Adèle Kirsten vroeër aan Maroela Media gesê.

TLU SA meen egter dat dié wysigings teenstrydig met die Suid-Afrikaanse Grondwet is.

Die burgerregteorganisasie AfriForum het aangedui dat hy die voorgestelde wysigingswetsontwerp sal beveg aangesien dit ’n “aanval op gemeenskappe se weerbaarheid” is.

Die Vryheidsfront Plus en die DA het ook aangedui dat hulle die wysigings sal teenstaan.

Lede van die publiek het tot 4 Julie tyd om kommentaar op die webwerf van die burgerlike sekretariaat vir die polisie in te dien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

49 Kommentare

jongste oudste gewildste
Misky

En ek was onder die indruk Cyril is die president van SA

Diline

As dit wel gebeur sal dit die laaste spyker in die doodskis wees vir ons as wit burgers van hierdie land. Daar is meer kriminiele met onwettige vuurwapens as wat daar SA burgers is wat wettiglik ‘n vuurwapen besit.

Johann

Baie interessant, gaan die howe nou by elke plaas en woonhuis ‘n wag plaas? Hoe gaan die hof bepaal hoe ek my huis en eiendom drie uur in die oggend beskerm wanneer die hof lê en slaap?

SjN

Gelukkig het ons nog op die stadium nog howe, dit wil se as hul nie weer uitstel nie.

Persheks Adri

Cyril hoeveel gewapende wagte het jy en jou verskriklike “VIP’s”? Gaan julle dit ook dan af staan soos verwag van ons? Die antwoord is NEE! Hoe moet ek myself en my gesin beskerm met ‘n land vol gewapende kriminele huh? Julle krap nou waaragtig nog steeds en ondermyn ons gaan aan