Hof: SAUK-joernaliste moet terug werk toe

Foeta Krige, Suna Venter en Jacques Steenkamp Dinsdag (26 Julie 2016) in die arbeidshof in Johannesburg. Foto: Facebook

Foeta Krige, Suna Venter en Jacques Steenkamp Dinsdag (26 Julie 2016) in die arbeidshof in Johannesburg. Foto: Facebook

Die arbeidshof in Johannesburg het die SAUK Dinsdag beveel om die vier joernaliste wat onlangs in ʼn omstrede besluit van die uitsaaier afgedank is, se afdankings op te hef.

In die uitspraak wat deur regter Rob Lagrange voorberei is en deur regter André van Niekerk gelewer is, word die SAUK beveel om die joernaliste toe te laat om met onmiddellike inwerkingtreding terug te keer werk toe en hul take en verantwoordelikhede soos normaalweg te hervat. Die uitsaaier word ook verbied om enige verdere dissiplinêre stappe teen die vier joernaliste in te stel.

Die hof het verder die SAUK se algemene bestuurder van radio en aktuele sake en die waarnemende uitvoerende hoof vir nuus en aktuele sake vyf dae gegee om hofstukke in te dien waarin hulle redes uiteensit hoekom hulle nie in hul persoonlike hoedanigheid vir die joernaliste se regskoste, in geheel of gedeeltelik, aanspreeklik gehou moet word nie.

Solidariteit het verlede week die arbeidshof genader om Foeta Krige, Suna Venter, Krivani Pillay en Jacques Steenkamp se afdankings ter syde te laat stel. Hulle is deel van agt joernaliste wat onlangs deur die uitsaaier afgedank is en wie se afdankings glo met die SAUK se omstrede verbod op die uitsaai van gewelddadige betogings verband hou.

Hoewel die ander vier joernaliste, Busisiwe Ntuli, Lukhanyo Calata, Vuyo Mvoko en Thandeka Gqubule, deur hul eie vakbonde en regspanne verteenwoordig word, sal vandag se uitspraak vermoedelik ook hul afdankings beïnvloed.

Lees alle vorige berigte oor die SAUK8 op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

32 Kommentare

jongste oudste gewildste
Lucas

En redes hoekom hulle nie koste self moet dra nie sal hulle baie vêr voor regverdiging moet gaan soek net om geen te kry nie!!

Gerd Lourens

Skitterende nuus!!!

En die ongekwalifiseerde “top matrikulant” se goue handdruk kom al hoe nader…

pieter

Baie geluk bly jul is weer terug maar dankie aan solidariteit en afriforum vir jul puik werk ,was dit nie vir julle nie het baie mense al sonder werk gesit hou so aan ons waardeer dit en as lede sien ons wat jul vir sa beteken

Barbaar

Bloednuus vir die SAUK se “Pupet Management”

Ek sien daarna uit om te verneem dat die koste bevel toegestaan word vir die “Pupet Management” se persoonlike rekening .

Frans du Toit

Indirek is dit tog maar die belastingbetaler wat die koste gaan betaal maar is ek verheug oor die uitspraak..