Hof sê dagga moet wettig wees

Die konstitusionele hof. Foto: Reint Dykema

Die konstitusionele hof het Dinsdag sy langverwagte uitspraak gelewer oor die wetlike gebruik van dagga.

Die hof het die vroeëre uitspraak van die hooggeregshof in Kaapstad gehandhaaf wat bevind het dat die kriminalisering (strafbaarmaking) van daggagebruik, -besit en -kweking in die privaatheid van die huis ongrondwetlik is.

Die parlement het opdrag gekry om gedeeltes van die Wet op Dwelms en Dwelmhandel en die Wet op die Beheer van Medisyne en Verwante Stowwe te wysig.

Die uitspraak beteken ʼn persoon mag binnekort in die privaatheid van sy of haar huis dagga kweek, besit en gebruik. Dit het egter net betrekking op private gebruik.

Die saak spruit uit ʼn aansoek wat deur Gareth Prince, ʼn prokureur, Rastafariër en kampvegter vir die dekriminalisering van dagga, en Jeremy Acton, voorsitter van die Daggaparty, ingedien is. Die respondente in die saak is verskeie regeringsdepartemente, die polisie, asook die direkteur van openbare vervolging.

Prince het aangevoer die kriminalisering van daggagebruik en die besit daarvan is ʼn skending van die reg op gelykheid, waardigheid en vryheid van geloof.

Die Nasionale Vervolgingsgesag (NVG) en ander regeringsdepartemente het die wettiging van dagga teengestaan en gewaarsku oor die skadelike newewerkings daarvan.

Hou Maroela Media dop vir meer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

84 Kommentare

jongste oudste gewildste
Anoniem

Dis skandelik steek mense in hulle kwaad .

Sallie-dagga-doenie

Geen wonder dis vandag so stil rondom my nie, hulle vier dit seker!…

Boland

Kyk nou is die land darem is sy kas in.

Nou ja Toe.

Remgro maak weer deure oop.

jacoS

Kan ook vir kanker lyers gebruik word. Se maar net……