Hof sê dan oor Afrikaans by Unisa

Argieffoto

Argieffoto

Regter Roland Sutherland het Vrydag in die hooggeregshof in Pretoria uitspraak voorbehou in die burgerregte-organisasie AfriForum se saak teen die beplande implementering van die Universiteit van Suid-Afrika (Unisa) se 2017-taalbeleid.

Unisa se nuwe taalbeleid bepaal Engels sal vanaf 2017 die enigste taal van onderrig aan dié instelling wees en Afrikaans, wat tans die medium van onderrig vir tussen 20 000 en 30 000 studente aan dié instelling is, gaan voortaan nie meer gebruik word nie. AfriForum het ook reeds ’n saak teen die universiteitsbestuur se aanvaarding van die nuwe beleid aanhangig gemaak.

Volgens Alana Bailey, adjunk uitvoerende hoof van AfriForum, sou die eerbare optrede van die bestuur wees om te wag met implementering, maar Unisa wou egter geen onderneming van dié aard gee nie.

“Voornemende studente is dus in die duister gelaat of hulle in 2017 wel vir studie in Afrikaans kan registreer en hierdie studies in die toekoms in Afrikaans kan voltooi,” het Bailey gesê. “Ons sal alles moontlik in die stryd werp om duidelikheid aan die studente te gee en hul regte te beskerm.”

Die uitspraak sal volgende week Woensdag gelewer word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
jaco

Wat betaal Afriforum vir hierdie hofsaak? Gebruik die geld eerder vir opheffing en selfhelpprojekte vir arm wit mense wat swaarkry weens die nare gevolge van regstellende aksie. Al die gekla oor die miskenning van Afrikaans skep die indruk Afrikaanssprekendes verstaan nie Engels nie en is eintlik dom. WAT het al die moaners gemaak as die onderrigtaal na Zulu of Tswana verander is?

KarooKlong

Gmf!

snoef

volgens TV nuus het die hof klaar besluit: NEE. AFRIKAANS MOET WEG.

Alida

Ek weet ek gaan gestenig word maar Engels is n wereld taal. Wat maak jy oorsee of selfs in SA in die arbeidsmark as jy nie Engels magtig is nie. Leef jou moedertaal uit by die huis of waar ookal . Niemand keer jou nie maar vir n suksesvolle loopbaan is engels n moet.

Lance

Moedertaal onderig le beginsels vas om juis ander tale wat bykom beter te kan verstaan en om begrippe te kan vaslê …kundige het oor radio oor dit gepraat na jare se navorsing en dit klink vir my reg wat sy gese het.