Hof sê oor appèl in vlagtwiet-saak

‘n Skermskoot van Ernst Roets se twiets.

Die Konstitusionele Hof het besluit om die Nelson Mandela-stigting se aansoek om verlof tot appèl oor die vlagtwiet-saak uit te gooi. Die hof het AfriForum en die NMS vandag in kennis gestel dat dit nie in belang van geregtigheid is dat die appèlsaak aangehoor word nie. Die hof het nie ʼn kostebevel gemaak nie.

Dít volg nadat die NMS by die Konstitusionele Hof aansoek gedoen het dat die klag van beweerde minagting van die hof deur Ernst Roets, hoof van beleid en aksie by AfriForum, op appèl geneem moet word. Die Suid-Gautengse hooggeregshof het die stigting se saak teen Roets vroeër vanjaar geskrap.

Die NMS beweer Roets het minagting van die hof gepleeg toe hy ’n prentjie van die 1928-vlag (ou Suid-Afrikaanse vlag) getwiet en gevra het of dit haatspraak is. Die NMS beweer ook dat Roets die hof geminag het deur te sê dat regters mense is en dat mense foute kan maak. Roets het hierdie stelling gemaak in reaksie op ʼn uitspraak deur die gelykheidshof dat die vertoon van die ou landsvlag op haatspraak neerkom.

AfriForum het die Konstitusionele Hof se besluit verwelkom. “Dít is ’n bevestiging dat die NMS besig is met sy eie politieke agenda wat op niks meer as ’n heksejag neerkom nie – ’n heksejag wat nie aan die hand van die reg geregverdig kan word nie,” sê Roets.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Esaias

Goeie werk Ernst!!

Braam Maree

Stuur vir die NMS n Oranje blanje blou as Kersgeskenk

KrokodilBotha

NMS ….. shame

Deon

Ai die ongebleikte christene…

Feite

Wat is die gevolge vir NMS? want daar sou beslis gevolge vir Roets gewees het sou die hof in NMS se guns, uitspraak gelewer het!