Hof sê vandag oor Nkandla

Pres. Jacob Zuma se privaat woning in Nkandla, KwaZulu-Natal Foto: @power987news, Twitter

Pres. Jacob Zuma se privaat woning in Nkandla, KwaZulu-Natal Foto: @power987news, Twitter

Die konstitusionele hof lewer vandag uitspraak in die Nkandla-saak waartydens pres. Jacob Zuma ter elfder ure aangebied het om ʼn gedeelte van die staatsgeld terug te betaal wat aan sy privaat woning bestee is.

Die senior registrateursklerk by die konstitusionele hof het ʼn brief aan die partye in die saak gestuur, die Demokratiese Alliansie en die Ekonomiese Vryheidsvegters teen Zuma, om te sê dat die uitspraak om 10:00 gelewer word.

Thuli Madonsela, Openbare Beskermer, het bevind dat luukshede op staatsonkoste bygevoeg is tot die eiendom, soos ʼn swembad, hoenderhok, beeskraal en amfiteater, en dat dit nie as bykomende veiligheidskenmerke beskou kan word nie. Sy het Zuma aangesê om ʼn redelike gedeelte van die R216 miljoen terug te betaal.

Zuma het meer as ʼn jaar lank geweier om die geld terug te betaal, en die EFF en DA het hom en Baleka Mbete, speaker van die parlement, hof toe gesleep.

Lees alle vorige berigte oor Nkandla op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

m ·

Liewe hel, was die hoenderhok van goud of wat. Kan al daai goed so baie geld kos. Iewers het ‘n kontrakteur darem belaglike pryse gevra. Ook seker ma deel van een of ander soustrein!!!!

GES ·

Ek hoop en vertrou die waarheid sal vandag seëvier. JZ het ons lank genoeg geteister en korrupsie het al aanvaarde praktyk geword.

CAV ·

JZ gee nie om wat uitspraak sal wees nie, want die Gupta,s sal seker betaal vir die deel waarvoor hy sal moet opdok. Hulle kry nie verniet hierdie staats kontrakte nie

Anoniem ·

Presies. JZ se skuld sal net deur die Guptas betaal word en verder gaan hy die kitaar slaan tot dat ons piesang republiek junk is.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.