Hof skrap beplande tolprojek vir Kaapstad

Argieffoto

Argieffoto

Kaapse motoriste kan vir eers ʼn sug van verligting slaak nadat die Wes-Kaapse hooggeregshof Sanral se beplande Wynland-tolprojek geskrap het.

Regter Ashley Binns-Ward het Woensdag in die guns van die stad Kaapstad beslis toe sy die Suid-Afrikaanse Nasionale Padagentskap (Sanral) se projek tersyde gestel het. Die regter het ook die minister van vervoer se besluit in 2008 om dele van die N1 en N2 as tolroetes te verklaar, tersyde gestel.

Dit beteken indien Sanral met die tolprojek wil voortgaan, die hele proses van voor af moet begin.

Die voorgestelde tolpad op die N1 sou strek van die R300-wisselaar in die weste tot by Sandhills en op die N2 van die R300 tot by Botrivier. Volgens ʼn diagram op Sanral se webwerf, sou 106km van die N1 en 70km van die N2 deur die projek geraak word indien dit sou voortgaan.

Patricia de Lille, burgemeester van Kaapstad, het die uitspraak as ʼn oorwinning vir alle Suid-Afrikaners beskryf. Sy het gesê die stad Kaapstad het uit sy pad uit gegaan om al die bewyse aan die hof te verskaf, onder meer  dat Kaapse tolgebruikers drie keer meer as motoriste in Gauteng sou moes betaal, teen 74 sent per kilometer.

Lees alle vorige berigte oor die saak op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Susan

Hulle dink hulle kan alles regkry.. Mooi so KAAPSTAD!!!!!!

Marie Botha

Yes yes yes!!! Dki Patricia deLill. Kaapstad is gered van onheil!!!!

Yvonne

Mooi so Kaapstad
WHOOP WHOOP!!
Vat so jou katvis

pop

Dis fanfabulous nuus!!! Whoop whooop

Jaco-0001

Ek was nogal `n ondersteunder van die anti-E-Toll inisiatief tot ek met Mnr Wayne Duvenhage van OUTA gesels het. Almal is baie bekommerd oor die koste maar toe ek Wayne nader om ook die koste van Bakwena aan te spreek was sy woorde ” It is our opinion that your community there needs to tackle the Bakwena toll plaza issue.” Intussen was motoriste wat geweldig hoë koste betaal vir die Bakwena stelsel goed genoeg om petisies en steun se verskaf aan sy doel maar toe dit nie sy sak raak nie toe is ons nie meer deel van sy “community”… Lees meer »