Alana Bailey, adjunk uitvoerende hoof van AfriForum, het gesê Unisa se nuwe beleid bepaal dat Afrikaans vanaf 2017 nie meer as onderrigmedium aan die universiteit gebruik sal word nie en dat Engels die enigste taal van onderrig sal wees. Bailey het gesê AfriForum sal hierdie besluit met verdere regsaksie teenstaan omdat Unisa die enigste opsie vir talle Afrikaanssprekendes is om hul kwalifikasies te verbeter.
Met die dringende aansoek vandag wil AfriForum verhoed dat bogenoemde beleid geïmplementeer word, aangesien voornemende studente nóú reeds besluite oor inskrywings in 2017 moet neem en sekerheid oor die universiteit se taalaanbod moet hê.
AfriForum sal ook die besluite van die universiteitsenaat en -raad oor die taalbeleid self met verdere regsaksie probeer omkeer, soos wat in die geval van die Universiteit van die Vrystaat gebeur het.
Die aansoek sal om 10:00 aangehoor word.
Mooi so ouens, julle is die beste!!
Afriforum/Solidariteit, ons moderne helde!!
Wat was toe die uitkoms van die dringende saak Maroela, dit is al amper half drie.
Dankie.
Dagsê JC
Lees gerus die opvolgberig:
http://maroelamedia.co.za/nuus/sa-nuus/hof-beslis-unisa-aansoek-nie-dringend/
Groetnis
Suné
nms Maroela Media