Hond doodgeslaan na hy glo bok byt

Max

Max

WAARSKUWING: Die foto onderaan die berig kan sensitiewe lesers ontstel.

’n Gesin van Witrivier in Mpumalanga se tweejarige poolhond is doodgeslaan nadat hy glo die bure se boerbok gebyt het.

Marius Kotze, wat saam met sy vrou en twee kinders op ʼn hoewe in Witrivier woon, het aan Maroela Media gesê een van sy werkers het Dinsdag vir hom gevra waar is Max nadat hy ʼn hond hoor tjank het. Kotze het gaan ondersoek instel nadat hulle nie die hond kon vind nie.

“Ek het gesien hoe drie mans op die plot langsaan ʼn hond met stokke en pype slaan in ʼn buitegebou. Ek en my werkers het vir hulle geskree om op te hou om die hond te slaan. Ek het besef dis Max waarna ek die polisie en die Dierebeskermingsvereniging gebel het.”

Volgens Kotze is hy saam met polisiebeamptes en ʼn verteenwoordiger van DBV na die bure se plot waar hulle vir Max gevind het. “Ek was histeries gewees. Max se gesig was vergruis. Ons het hom na ʼn veearts geneem wat vir ons gesê het Max het in sy eie bloed verdrink nadat ʼn rib sy longe deurboor het.”

Die buitegebou waar Max doodgeslaan is

Die buitegebou waar Max doodgeslaan is

Die Kotze-gesin het drie poolhonde en woon langs die Ilanda-gastehuis. Mildred Spahn, eienares van die gastehuis, het aan Maroela Media gesê hulle het ʼn paar bokke en ʼn vark op hul hoewe. Sy beweer Kotze se honde het die afgelope paar maande twee bokke doodgebyt en die vark ook aangeval. “Ons het verskeie kere na die Kotze-gesin uitgereik in ʼn poging om die situasie op te los maar ons is net geïgnoreer,” het sy gesê.

“Ons het gevrees vir ons eie veiligheid aangesien dit aggressiewe honde is wat al voorheen diere doodgemaak het en aangesien ons ʼn nalatige buurman het wat nie bekommerd is oor die welstand van ons diere of ons veiligheid nie. In die proses om ons bokke te bevry het ons een van die honde noodlottig gewond.”

Volgens Spahn moes hulle die bok wat glo deur Max gebyt is, van kant maak. “Ons betuig ons meegevoel aan die Kotze-gesin. Ongelukkig het ons ʼn gekoesterde lewe geneem weens die bedreiging aan ons diere, veiligheid en eiendom. Ons is ook hartseer oor die verlies van ons drie bokke – waarvan een dragtig was.”

Kotze het egter ontken dat Spahn sy gesin enigsins gekontak het oor die beweerde probleem met sy honde. “Hulle kon my genader het. Ek sou hulle vergoed het vir die bok of hom veearts toe geneem het.” Volgens Spahn het sy SMS-boodskappe aan Kotze gestuur en ook met van sy werkers gepraat.

Die polisie ondersoek die saak.

Max nadat hy doodgeslaan is.

Max nadat hy doodgeslaan is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Anne-Marie

Noodlottig gewond?????

hein botha

Man in die eerste plek is dit n lafhard wat die hond doodgeslaan het…bel eerder dbv…maar nee…hy sal vinnig n ander deuntjie sing as ons sy hond doodslaan…of hom

Eurika

Tipiese pshycopath!!!! Moor sonder om ‘n oog te knip en kruip dan agter sy vrou se rokspante weg! Lafaard!!!

John

Erens is daar ñ klankie aan die storie. Daar waar die hond se eienaar geken is en so ook die telefoon nommer, wil dit blyk asof hier ñ daad van diere mishandeling gepleeg is. Wie is verantwoordelik vir die heining soos in die geval, ñ gastehuis? Geen gevaar kan vanself dreig indien dit nie geskep word nie. Geen hond sal aanval indien daar nie ñ situasie geskep word waar die natuurlike omgewing van die hond versteur eord nie.

Riaa

Geeen geen aksie regverdig hierdie tiepe reaksie nie, daardie woef het nie verdien om so dood gemaak te word nie ongeag wat hy gedoen het, ek hoop daardie mense se gewete ry hulle geen dier ongeag wat gebeur het of wat hy gedoen het verdien om so dood gemaak te word nie