Hond uit mangat gered

(Foto: Rusa/Facebook)

ʼn Duitse herdershond is Dinsdag uit ʼn mangat in Verulam, KwaZulu-Natal gered ná hy Maandagaand in ʼn stormwaterdrein opgemerk is.

“Rusa is omstreeks 10:30 na die toneel ontbied,” sê Prem Balram, woordvoerder van Reaction Unit South Africa (Rusa). “Die persoon het die ons in kennis gestel dat hulle ʼn dierewelsynsorganisasie gisteraand gekontak het, maar hulle het nie enige bystand gebied nie.”

Beamptes van Rusa en paramedici is na die toneel by die mangat in Inandaweg tussen die Sanaa- informele nedersetting en Brindhaven in Verulam ontplooi. “Die Dierebeskermingsvereniging is gekontak en hulle het ook kort daarna by die toneel opgedaag. Ná beamptes van Rusa die struikgewasse verwyder het, kon paramedikus Siyabonga Mthethwa in die gat afgesak word.”

Hy het die hond uit die mangat gered.

“Die DBV in Durban-Noord het die dier na hul perseel geneem vir verdere mediese behandeling.”