Hond verskeur seun (3) by ouerhuis

Argieffoto ter illustrasie.

Argieffoto ter illustrasie.

ʼn Driejarige seun is Maandagoggend by sy ouerhuis deur die gesin se hond verskeur.

Chris Botha, woordvoerder van Netcare 911, het gesê die voorval het omstreeks 11:30 in Umlazi, KwaZulu-Natal, plaasgevind.

“Volgens inligting van die toneel is die seun in die tuin deur die gesin se Amerikaanse veghond aangeval. Die omstandighede rondom die aanval is nog onbekend en word deur die polisie ondersoek,” het Botha gesê.

Met paramedici se aankoms op die toneel is die kind op die kombuisvloer aangetref nadat ʼn familielid hom daarheen gedra het. “Hy was reeds dood weens verskeie beserings wat hy regoor sy lyf opgedoen het. Niks kon vir hom gedoen word nie en hy is dood verklaar,” het Botha gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

95 Kommentare

jongste oudste gewildste
D

Tragies.

Ekwilibrium

Ai tog… Waarskynlik was die ondier aangehou juis om die gesin te beskerm teen die nare realiteite van ons samelewing. So jammer…

Poplap

Watse nut het hierdie verskriklike honde!!!
Hulle skrik geen misdadiger af nie. Wanneer laasgenoemdes by ‘n eiendom wil inbreek en moor, vergiftig hulle gewoonweg sulke ‘afskrikkings’ gevaartes.

Nicolene

Dit is elke keer so hartseer om so iets te lees!!Daardie honde is baie gevaarlik en ek wens dat suid afrika die honde sal verban!soos mense verander,verander diere ook.Nie almal weet hoe om sulke honde op te lei en streng dissipliene toepas!!
Sterkte aan die familie my hart huil saam julle!!

Matilda

Sjoe dis verskriklik! Ai swak verslaggewing.. Was dit n reun of teef? As reun is, is hy regemaak? Hoe oud is die dier.. Is daar ander diere ook op perseel? Altyd interresant om die dinge te weet.