Hond wat ‘aanvallers’ verjaag met mes gesteek

‘n Gewonde Triton. (Foto: Facebook)

Waarskuwing: Die foto’s in die berig is grafies van aard en mag sensitiewe lesers ontstel.

Vermeende plaasaanvallers is Saterdagaand in hulle spore gestuit toe ’n boer van Prieska in die Noord-Kaap se boelterriër op die aanvallers afgestorm en hulle verjaag het voordat hulle die boer enige leed kon aandoen.

Alex Sandenbergh (66) het kuiergaste op sy plaas sowat 10 km buite die dorp onthaal waarna hy later die aand saam met die gaste uitgestap het na hul motor voordat hulle gery het, het Pikkie Sandenbergh, Alex se skoondogter, aan Maroela Media vertel.

Alex het teruggestap na die rondawel waar hulle die aand gebraai het om die ligte af te skakel en wou net die deur gaan sluit toe hy iemand by dié deur hoor. Die boer is toe deur twee onbekende mans begroet.

Alex het dadelik vir Triton, sy tweejarige boelterriër, geroep wat elders in die rondawel op ʼn bank gelê en slaap het. “Triton was dadelik op hulle omdat hulle vir hom ook onbekend was,” het Pikkie vertel.

Triton is gedurende die voorval drie keer met ʼn mes gesteek. (Foto: Facebook)

Triton was net meer as ʼn maand by Alex op die plaas. Toe Alex se hond dood is en daar geen hond op die plaas was nie, het sy seun en sy vrou hulle hond, Triton, vir Alex gegee. Volgens Pikkie kan haar skoonpa, moontlik weens skok, nie veel onthou wat presies daarna gebeur het nie. Triton is wel in die proses drie keer met ʼn mes gesteek voordat die mans op die vlug geslaan het.

Alex het dadelik sy seun Burger Sandenbergh, Pikkie se man, gebel waarna hulle die plaaslike noodgroepe na die plaas ontbied het. Lede van dié noodgroepe het tot laatnag na die verdagtes gesoek, maar tevergeefs.

Triton is dadelik behandel en die bloeding van die drie wonde op sy rug is gestop. Hy het ook steke ontvang, het Pikkie vertel. “My skoonpa het niks oorgekom nie. Triton was te gou op hulle,” het sy gesê.

Kol. Mashay Gamieldien, woordvoerder van die polisie, het die voorval aan Maroela Media bevestig.

Volgens Gamieldien is een van die vermeende aanvallers deur die hond gebyt.

Niemand is nog in verband met die voorval in hegtenis geneem nie en plaaslike hospitale en klinieke is in kennis gestel om op die uitkyk te wees indien die gewonde verdagtes moontlik mediese behandeling sou gaan soek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

62 Kommentare

jongste oudste gewildste
Naomi Berger

Mag julle Triton baie gou beter word.Hy was so braaf …
Laat ons tog weet hoe dit gaan.
Sterkte vir julle almal.

HARTSEER

Ek is so hartseer oor wat in ons land gebeur & dat die hond so gesteek is – aan die anderkant is ek so bly dat die hond gekeer het dat die man aangerand word.

Mense laat julle brakke by julle in die huis wees – verkieslik ‘n kleintjie ook met fyn oortjies en dan die grotes wat die keer werk doen.

Uilspiëel

Mooi so Triton! Mag jy spoedig volkome herstel! Ek glo jou baae is jou ewig dankbaar! Dis hoekom ek 1 Rotweiler buite en 2 binne in my huis het! Dit gaan nag was vir enige lafaard wat my my wil aanval! Dank God dat hy saam met julle was!

Hero Woef

Ek mag dalk verkeerd wees maar daai pragtige Hero Furry baby is n Bull Terrier en nie n Amerikaanse Veghond nie….????

Tash

So bly die Boer en hondekind is OK!!! Hulle dag sal kom! En dis waarom ek meer liefde het vir diere as mense!!