Honderde beseer toe passasierstreine bots

Foto: Verskaf.

Verskeie nooddienste het Donderdagaand na die Van Riebeeck Park‑treinstasie in Kempton Park gehaas ná gerugte van ʼn baie ernstige treinongeluk.

Shawn Herbst, woordvoerder van Netcare 911, het gesê hulle het omstreeks 18:30 reageer en dat dit blyk dat meer as 200 mense beseer is tydens die botsing tussen twee passasierstreine.

“Die grade van beserings wissel,” het Herbst gesê.

Xander Loubser, woordvoerder van Best Care-ambulansdiens, het ook bevestig dat hulle na die toneel ontplooi is en dat daar “baie pasiënte” is.

Ona Ndala van Best Care wat op die toneel is, het aan Maroela Media bevestig dat alhoewel ʼn amptelike getal nog nie bekend is nie, ten minste 200 mense beseer is.

“Daar word eers na die ernstig beseerdes omgesien en hulle vervoer. In dié stadium is daar nog geen bevestigde sterftes nie,” het Ndala gesê.

Die polisie, brandweer en verskeie nooddienste is op die toneel.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
willie

ai hierdie tiepe van ongelukke neem net toe ween onvermoeë! gaan doen maar ondersoek wie is in beheer en wat is die vereistes om hul poste te beman!

Johanna Botha

Nie ALWEEEER NIE !

PJC

Ek moet sě hierdie laat ń mens wonder oor die bevoegdheid van die treindrywers en die treinbeheer beamptes.

Hennie

Seker weer die wit mense se skuld deurdat treine deur ons die land ingebring was.

Marietjie

Is die treindrywers se opleiding op standaard? Hierdie ongelukke gebeur te gereeld!