Honderde mynwerkers ondergronds vasgekeer na brand

 
  Sapa

Argieffoto

Argieffoto

ʼn Reddingsoperasie is onderweg om 486 myners, wat ondergronds vasgekeer is weens ʼn brand by die Kusasalethu-goudmyn naby Carletonville, na die oppervlak te bring.

“’n Brand het omstreeks 09:40 vanoggend op vlak 75 sowat 2 300m ondergronds ontstaan,” het Harmony in ʼn verklaring gesê. “Sowat 287 van die 486 werkers is veilig in toevlugareas onder die grond waar daar vars lug, water en telefoonkommunikasie is.”

Reddingspanne werk intussen onverpoosd om die mynwerkers in die toevlugareas by te staan en die ander werkers op te spoor. Die ventilasievloei na die brand is afgesny. Dit is nie duidelik of die brand al geblus is nie.

Volgens Harmony is ʼn verdere ses reddingspanne ontbied om met die reddingspoging te help. Die brand het glo ontstaan tydens instandhouding van ʼn reuse lugverkoeler. Alle bedrywighede by die myn is opgeskort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy gehoor?

Nou pra' jý

2 Kommentare

Annamarie Jansen van Rensburg ·

Dankie vir die protospanne van Harmony en ander. Julle is die beste. en baie geluk.

Ilva ·

So dankbaar als het goed afgeloop en almal is veilig. Om op n myn te werk is nie vir sissies nie!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.