Honderde onderwysers skuldig oor lyfstraf

(Argieffoto)

Hoewel lyfstraf jare lank al verbode is in Suid-Afrikaanse skole word dit steeds wederregtelik deur sommige onderwysers toegepas, het Angie Motshekga, minister van basiese onderwys, in die parlement gesê.

Sy het die inligting verskaf in antwoord op ʼn skriftelike parlementêre vraag deur Nomsa Tarabella-Marchesi, DA-LP.

Motshekga het verduidelik dat onderwysers wat hulle die eerste keer skuldig maak aan lyfstraf ʼn formele brief bekend as ʼn adviesbrief aan die onderwyser ontvang waarin hulle gewaarsku word dat ʼn dissiplinêre verhoor met potensieel swaar strawwe sal plaasvind as hulle weer lyfstraf toedien.

In die boekjaar 2016-‘17 is 229 sulke adviesbriewe uitgestuur aan onderwysers wat skuldig bevind is daaraan dat hulle lyfstraf toegedien het. In 2017-‘18 het die getal effens opgeskuif na 233 adviesbriewe, maar in 2018-‘19 het dit afgeneem na 194 adviesbriewe.

Dat sommige onderwysers steeds lyfstraf toedien selfs nadat hulle adviesbriewe as waarskuwing ontvang het, blyk uit die feit dat die Suid-Afrikaanse Raad van Opvoeders (SACE), wat die land se waghond oor aanvaarbare onderwyspraktyk is en by wie alle onderwysers geregistreer moet wees as hulle wil skoolhou, in 2016’17 sewe onderwysers dissiplinêr skuldig bevind het oor die toedien van lyfstraf. In 2017-‘18 is 24 onderwysers daaroor dissiplinêr skuldig bevind en in 2018-19 het die getal verder opgeskiet na 33 onderwysers wat skuldig bevind is.

Die strawwe wat SACE opgelê het, het gewissel. Sommige onderwysers se name is van die rol van onderwysers geskrap, wat beteken hulle is hul werk en inkomste kwyt want hulle word nie meer toegelaat om skool te hou nie. Dit het slegs gebeur in gevalle waar leerlinge ernstig beseer is deur die onderwyser.

Sommige van die ander skuldige onderwysers se straf was dat die skrap van hul naam van die rol opgeskort is op voorwaarde dat hulle nie weer aan lyfstraf skuldig bevind word nie.

Onderwysers wat deur SACE skuldig bevind is, is ook boetes opgelê, het Motshekga gesê.

Tarabella-Marchesi wou ook weet of die onderwysdepartement onderwysers ondersteun en toelig oor hoe om klasdissipline prakties te handhaaf in die afwesigheid van lyfstraf. Motshekga het die vraag blykbaar misverstaan, want haar antwoord het bloot uitgewei oor strafmaatreëls aan onderwysers wat lyfstraf toedien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
Johanna Botha

Sy antwootd skoon verkeerd op die vae wat gestel word …..weet sy wat aangaan om haar ! Ek wens so ons kwn kundige mense kry wat die land kwn bestuur ….en die n useless sruggle buddy of chamma nie !

Pro Lyfstraf

Dit is presies hoekom die skole se leerders net doen wat hulle wil…geen dissipline nie…rand onderwysers aan…praat nie eers van die slaagsyfers nie. Lyfstraf op skool het my n beter mens gemaak. Dan is godsdiens ook weggevat ….

Carel

Jy moet aan my kind slaan. Ek sal n aanranding saak teen jou as onderwyser oopmaak en seker maak jy verloor jou werk.

André Lategan

Daar is niks fout met lyfstraf nie as jy nie ore het nie moet dit oop gemaak word. Dit is hoekom kinders so ongeskik is vandag. Wat gaan aan met ons samelewing. Alles gaan ten gronde. Dissipline begin by die huis leer jou kind reg en hy sal respek he vir onderwysers..

tanya

En dit is hoe die kinders nie maniere hst nie. Omdat die jonk kinsees wat kinders wil groot maak sake wil maak. My kinders het manier en geleerdheid hoekom omdat my kinders gied pak gekry het in skool sn by huis. Geen pa by skool 10/200 vir onderwysers wat nog lyf staf gee wel done