Honderde onwettige Zimbabwiërs gedeporteer

Foto: http://zimembassycanberra.org.au/

Foto: http://zimembassycanberra.org.au/

Honderde Zimbabwiërs het die afgelope twee weke uit SA gevlug uit vrees vir xenofobiese geweld, maar meer as 400 Zimbabwiërs wat onwettig in die land gewoon het, is ook gedeporteer.

Batiraishe Mukonoweshuro, Zimbabwe se konsul-generaal, het aan die Zimbabwiese koerant Chronicle gesê 421 Zimbabwiërs is verlede Donderdag vanaf die Lindelani-sentrum in Johannesburg gedeporteer.

Die Zimbabwiërs was vir tussen drie en agt maande by die sentrum, alhoewel hulle nie langer as drie weke daar gehou mag word nie, het Mukonoweshuro gesê. “Ons het begin om mense by die Lindelani-sentrum te identifiseer en dokumenteer en het met binnelandse sake in verbinding getree om hulle te verskuif.”

Ongeveer 900 Zimbabwiërs is tydens ʼn ander operasie na hul tuisland gerepatrieer ná xenofobiese geweld vir weke in Durban en Johannesburg gewoed het. Volgens berigte is verskeie Zimbabwiërs ook op eie stoom terug na Zimbabwe.

Na raming woon tussen een en twee miljoen Zimbabwiërs in Suid-Afrika.

News24

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

4 Kommentare

jongste oudste gewildste
dave

Hoekom nou eers…

dave

Hoekom nou eers…

Dirk Struwig

Wat n grap! Wanneer laas het die persone wat die depoterings doen gaan kyk wat op die Musina Buitbrug grenspos aangaan? Hulle is almal more terug. Daar is geeeeen grens beheer nie.

franscois

Wat n grap,daar is tussen 1-2 miljoen Zim’s in RSA maar net 245000 permitte is hernu en goed gekeur deur DHA ,wat is so moeilik aan die som?