Rescue Care-paramedikus Emma Westcott en paramedikus Leon Fourie (wat die hondjie vashou) saam met Lee Bryant van die metropolisie se soek- en reddingseenheid (Foto: Rescue Care)
ʼn Babahondjie is Donderdagmiddag uit ʼn drein in Newlands West, KwaZulu-Natal, gered.
Garrith Jamieson, woordvoerder van Rescue Care, het gesê paramedici is omstreeks 14:30 na die toneel ontbied ná berigte dat ʼn baba se gehuil gehoor kan word in die drein. “Polisiebeamptes was reeds op die toneel toe paramedici opgedaag het. Die gehuil het soos ʼn babahondjie geklink,” het Jamieson verduidelik.
ʼn Plan is beraam om die stormwaterdrein oop te maak en paramedici Emma Westcott en Leon Fourie het bystand gelewer. “Hulle kon die babahondjie in die drein sien en hulle het hom na veiligheid gebring. Hy het byna verkluim en was ondervoed. Hy is na die dierebeskermingsvereniging geneem vir verdere behandeling.”
Dit is nie duidelik waar die babahondjie vandaan kom of hoe dit in die drein beland het nie. “Ons verwag egter dat hy ten volle sal herstel.”
-
- Foto: Rescue Care
-
- Foto: Rescue Care
Dis lekker om goeie nuus te lees!!
Wat ‘n mooi gebaar, dankbaar om te weet daar is nog iemand wat help daar buite. Dankie julle
Dankie dat julle hierdie onskuldige hondjie geared het. Doen so voort.
Wonderlik…..bly die dingetjie is gehelp.
Awhh
Dit is die mooiste gebaar so bly die publiek maak harte oop vir diere!!!
Uiteindelik iets moois in die nuus
Eks bly dit het nie in china gebeur nie want hulle mishandel diere
Welgedaan en DANKIE aan die mense van Rescue Care.
Nou hoop ek hy kry ‘n liefdevolle huis waar hy vreeslik bederf gaan word.
Sjoe… dit gebeur gewoonlik net in die VSA… kan amper nie glo die nood dienste het sowaar dit hier ook gedoen nie…!
Dis great. Julle is awesome. Damkie Maroela vir ‘n mooi storie. Beter as politiek en almal se bakleiery.
Well done!!
Vir die dame wat se dit gebeur slegs in die VSA dit doen nie. Ons haal gereeld kattjies & hondjies uit die dreine uit.
Dankie vir goeie harte!!!
Dankie vir die enigste goeie nuus in weke.