Hoof van militêre gesondheidsdiens met onwettige vuurwapen betrap

Lt.genl. Zola Wiseman Songo Dabula. (Foto: Verskaf)

Die geneesheer-generaal en hoof van die Suid-Afrikaanse Militêre Gesondheidsdiens, lt.genl. Zola Wiseman Songo Dabula, is vasgetrek vir die onwettige besit van ʼn vuurwapen en ammunisie. Dié oortreding kan tot 15 jaar tronkstraf beteken.

Dabula is verlede maand by ʼn padblokkade op die N1-Suid, noord van Pretoria gearresteer.

Die 63-jarige Dabula het glo die nag in die selle by die Temba-polisiestasie in Pretoria deurgebring en is die volgende dag, op 18 Mei, op borgtog vrygelaat nadat hy in die Temba-landdroshof verskyn het.

Volgens ʼn polisieverslag wat deur Maroela Media bevestig is, was Dabula nié aan diens toe hy by die blokkade voorgekeer is nie. Hy was ook nié in besit van ʼn permit om tydens die landwye inperking te reis nie.

Volgens die verslag het Dabula aanvanklik aan die polisiebeamptes gesê dat die Norinco Star-vuurwapen met 13 patrone aan hom behoort. ʼn Roetine navraag op die polisie se vuurwapenregister het egter gewys dat die eienaar ene SN Dabula is.

Die generaal is daarna na die Temba-polisiestasie geneem waar ʼn dossier geopen is. Die dossier maak nie melding van die feit dat Dabula ʼn hoë rang in die weermag het nie en sy beroep is aangegee as ʼn vlootoffisier wat werkloos is.

(Argieffoto: Marcus Trapp/Pixabay)

Maroela Media het intussen vasgestel dat die geregistreerde eienaar van die vuurwapen Seeby Nomtsheketshe Dabula van Mount Frere in die Oos-Kaap is, wat in April vanjaar in die ouderdom van 89 jaar oorlede is. Dis nie bekend wat die verwantskap tussen die oorledene en Dabula is nie. Volgens wet moet die vuurwapen van ʼn oorledene aan die eksekuteur van sy boedel oorhandig word en as dit wel vervoer moet word, moet ʼn spesiale bergingspermit daarvoor verkry word.

Die weermag se mediawoordvoerder, kol. Louis Kirstein, het by navraag gesê die saak is ʼn persoonlike aangeleentheid tussen Dabula en die polisie.

In teenstelling daarmee sê adv. Pikkie Greeff van die weermagvakbond Sandu dat die generaal onmiddellik geskors moet word hangende die uitspraak van die hofsaak.

“Dis in belang van die weermag se beeld en in belang van geregtigheid. Wat ons hier sien is dubbele standaarde want alle ander range wat met die gereg bots, word op spesiale verlof geplaas. Wanneer dit ʼn bevelvoerder is, word dit egter nooit gedoen nie,” sê hy.

Adv John Welch, die voorsitter van die SA Vuurwapeneienaarsvereniging, sê die voorgeskrewe vonnis vir die onwettige besit van ʼn semi-outomatiese wapen soos ʼn Norinco Star, is 15 jaar gevangenisstraf. ʼn Landdros het wel die diskresie om die vonnis te verlaag as daar versagtende omstandighede is.

Die saak is uitgestel tot 7 Augustus wanneer Dabula weer in die hof moet verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

30 Kommentare

Rodger17 ·

Sien julle nou Wie die onwettige wapens dra en besit het daar van?Die polisie en weermag is oral betrokke by onwettige bedrywighede.Maar glo my hierdie generaal gaan weer loskom!

Cherokee ·

Julle rympie-vormende voorspellings dat skelms gaan loskom, mag wel waar wees maar dit verander niks aan die irritasie van die spoeg en plak rympies van ‘hy gaan niks oorkom’. Ons weet facebooks en forums word gescan en julle maak dat die mening gevorm word ‘die wittes verwag tòg dat hy gaan loskom, so laat hom vry’. Julle versterk die opposisie in hul kwaad. met jul rympies.

SomeOne ·

soos genoem, straf is 15 jaar, maak nie saak watter rang daar is nie, straf is straf

JohanR ·

Een van uMkhonto we Sizwe (MK) se beste! Niks sal met hom gebeur nie, dit weet ons almal. Sal seker bevoerdering tot in die parliament kry.

Tommie ·

En so kom nog donker dinge uit. Mense wat ons voorkeer vi oortredings is self skuldig daaraan. Hoe gaan die een nou weer toegesmeer word? Nogal n groot kop in die weermag. Hy en ou hoed braai seker weer vanaand mat al die familie.

Anel ·

Hy is 63. Hoe kry hy dit reg om nog in diens te wees? Was hy nie veronderstel om op 60 af te tree nie? Wel, ek hoop hy word geskors, oneetvol ontslaan en gaan tronk toe. Dit sal geregtigheid wees. Wonder hoeveel borg hy gekry het.

skinderbek ·

Lewer kommentaar…Madam Zuma is 71, hoekom is sy nie al afgetree nie?

Christa ·

Gelukkig nie wit nie Sjoe Dan sou ons darem groot probleme gehad het

Vrijburger ·

Wag maar en sien – die dubbel standaarde wat geld sal wel weer duidelik in die saak ten toon gestel word.

Stefan ·

Ek is nie ‘n siener nie maar ek ‘verwag’ dat ons niks verder hiervan sal hoor nie.

Sarel ·

My vraag daar is baie van hulle hoekom die ou arresteer.
Is hy dalk nie lid van Prominente familie nie?

Sobymykoolkop ·

Onaantasbaar. Saak sal tussen neus en ore verdwyn. Geen optrede teen anc kaders nie. Hulle weet te veel van mekaar.

Ou toppie ·

Lyk vir my meer of die polisie ( en die kommentators) bietjie oorreageer . Dis oortreding van dieselfde regulasies wat ons onsinnig noem. Die vuurwapen kon dalk aan hom as erfgenaam toegekom het. Die reispermit, nou ja, laat die onskuldiges die klippe gooi…!

Gemaskerde Sopbeen ·

Indien hy wapen geerf het sou hydit eers moes lisensieer en op sy naam registreer. Duidelik oinwettig. Dan lieg hy nog in verklaring en beweer hy is werkloos. Dalk is hy werkloos want hy doen dalk nie regtig werk nie.

Cherokee ·

Die duim-affe (en sommige duim-oppe soos vir Anel,) is hierdie keer vanuit my pen. Julle versterk die ANC in hul kwaad.

Snowball ·

Krims in Uniform. Suid Afrika se lot – bo blink en onder stink.

Adam Adriaan ·

CR en wat is jou verskoning hierdie keer? Jy moet weet dat jy die opperhoof van die magte is as pres. Het jy geen skaamte in jou deur die saak te verswyg nie en nie op te tree nie. Of keur jy dit goed solank die man een van jou kaders is?

Riana ·

Die ergste van alles is dat die nuus mens nie eers meer skok nie.

Jack ·

Ja wat jy sal nie weer hiervan hoor nie. Hy is nog “ werkloos “ ook. Maw hy het nog die gereg ook gedwarsboom. Wat daarvan?

marius ·

Daar sal vir hom spesiale amnestie verleen word . Hou maar dop .

Magda ·

OMG – hoe het die ou daai pos gekry – seker n iemand van iemand!!!!!!

Genis ·

Ek hoop tog net swart polisie het hom gevang, anders is dit nou weer n rassistiese ding…
Hier is n paar misdrywe, ook lieg onder eet, valse inligting, ents

Hekwag ·

Sluit hom toe en sit nog 5 jaar by sy vonnis aangesien hy ‘n leiersposisie beklee en van beter behoort te geweet het!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.