Hoofregter gekap oor uitlatings oor JSE

Mogoeng Mogoeng

Hoofregter Mogoeng Mogoeng. Foto: GCIS

AfriForum het sy kommer uitgespreek oor uitlatings wat hoofregter Mogoeng Mogoeng oor eienaarskap van die Johannesburgse Effektebeurs (JSE) gemaak het en het dié uitlatings as onjuis en rassisties bestempel.

Mogoeng het Woensdag tydens sy toespraak by The People Matter-stigting se 67 minute-geleentheid ter ere van oudpres. Nelson Mandela bevraagteken wie voordeel trek uit staatsinstansies. Mogoeng het gesê dit is ʼn onreg dat “inheemse mense van Suid-Afrika” uitgesluit word van die ekonomie, terwyl 85% van die maatskappye wat op die JSE genoteer is aan wit mense behoort. Mogoeng het gesê dié stand van sake is nie normaal nie en moet aandag kry.

AfriForum het hierop gereageer deur te sê die stelling dat 85% van maatskappye op die JSE aan wit mense behoort, is verkeerd, misleidend en verdelend. “Nickey Newton-King, uitvoerende hoof van die JSE, het reeds in 2017 aangedui dat 23% van die JSE tóé reeds aan swart mense behoort het, en 22% aan wit mense. Altesaam 40% word deur buitelanders besit,” sê Ernst van Zyl, veldtogbeampte by AfriForum.

“Om dus te sê dat 85% van die JSE deur wit mense besit word, is verkeerd en verhoog Suid-Afrika se rassespanning. Daar bestaan boonop geen inligting oor die rasse van buitelandse JSE-beleggers nie, wat Mogoeng se uitlating nog meer ongeldig maak.”

Van Zyl wys daarop dat onjuiste inligting van hierdie aard oor ’n minderheidsgroep baie gevaarlik is, vyandigheid kweek en verdeling skep. “AfriForum vind dit betreurenswaardig dat ’n hoofregter so maklik onjuiste statistiek kan aanhaal wat sulke genuanseerde sake betref,” sê hy.

“As hoofregter moet Mogoeng objektief wees en ’n onpartydige perspektief oor Suid-Afrikaanse aangeleenthede huldig. Sy opmerkings dui egter op ’n duidelik politiese partydigheid in sy beskouings. Dit is belangrik dat Suid-Afrikaners in magsposisies nie minderhede tot sondebokke maak en dit normaliseer nie, en ook nie statistieke aanhaal voordat dit bevestig is nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Andreas

Hehehe … littel PW … middle finger poking, sort of, … hehehe ….

Lindie

Vinkel en koljander, Die een is nes Die ander ????‍♀️

peet

Hulle sê: daar is leuens, infame leuens en dan is daar statistiek!
Hoe kan ‘n land funksioneer op gebrekkige inligting.

Johan

Mogoeng is ‘n Zuma ondersteuner. Dit is waarom hy sulke lawwighede kwytraak. En dit is deel van die politieke mode om ‘n negatiewe houding teen ons ligte velle te hê. Dit is asof ons nie as werklike Suid-Afrikaanse burgers beskou word nie.

BlinkStephaans

Jy sien mogoeng dit is omdat witmense dinge laat gebeur dat dit so lyk op die JSE…. terwyl die res sit en wag om te kyk wat gebeur en dan skreeu hulle apartheid… onregverdig… diefstal… indringers… ons wil ook hê… julle skuld ons… blablabla… maar nie een sal sy gat lig om die werk in te sit wat dit gekos het om op die JSE te kom. Jy is maar net so blind soos die res van our piepol… hoofregter of te nie.