‘Hoop daar is trekklaviere in die hemel’

Ollie Viljoen uit foto-album op Anton Goosen se Facebook-blad

Ollie Viljoen uit foto-album op Anton Goosen se Facebook-blad

Huldeblyke stroom in vir die bekroonde musikant Ollie Viljoen nadat hy Sondagoggend in die ouderdom van 76 oorlede is.

Viljoen het Sondagoggend in sy slaap heengegaan nadat hy verlede week weer in die hospitaal opgeneem is.

Die liedjieboer Anton Goosen skryf op sy Facebook-blad oor Viljoen: “Rus sag my vriend. Dit was ‘n groot voorreg om die lang pad met jou as vriend te kon loop.”

Die sanger Steve Hofmeyr het op Twitter gesê: “Ai oom Ollie. Dis asof jy altyd daar was en altyd daar sou wees. Ek gaan jou mis. Musiek gaan jou mis. En Boeremusiek sommer baie.”

Juanita du Plessis het ook op Twitter hulde gebring aan Viljoen. “Rus in vrede oom Ollie Viljoen. Ons land is armer.”

Louis Loock, voorheen van die groep Romanz, het gesê die klanke van Viljoen se trekklavier gaan nog lank weerklink. “Dankie vir die voorreg om oom te ken en saam musiek te kon maak!”

Die sanger Adam Tas het gesê: “Ag liewe Vader! Hoekom dan vir Oom Ollie! Gaan jou mis ou Grote Gees!”

Koos Kombuis het op Facebook die hoop uitgespreek dat daar trekklaviere in die hemel is.

Die sanger Karen Zoid het ‘n huldeblyk op haar Facebook-blad gelewer en gesê Viljoen was ‘n ware vriend.

“My hart is so gebreek. Maar dit help nie om met God baklei nie, Hy is die Grootbaas. Here, hou asb Jou hand oor Enel en Willem in hierdie tyd en gee asb vir Ollie ‘n trekklavier sodat hy vir Jou ‘n liedjie kan speel daar bo. Dankie vir ‘n vriend soos Ollie, Here.”

Lees ook:
Ollie Viljoen oorlede
Goeie nuus: Ollie Viljoen uit hospitaal ontslaan
Gebede vir sieklike Ollie Viljoen

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

lorayne ·

Mag die engele dans op die maat van jou musiek!
Rus in vrede Ollie…Suid Afrika en die ‘Boere’ is armer vandag . . .

Hannes & Netta Liebenberg ·

Gaan oom Ollie mis , rus in vrede oom ! Sterkte aan die Familie.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.