HOP-huis vir gesin van seuntjie wat in mynskag val

Die vyfjarige Richard Thole wat op 25 Februarie 2017 in die mynskag verdwyn het (Foto: ANA)

Die vyfjarige Richard Thole wat in 2017 in ʼn mynskag in geval het en wie se liggaam nooit gevind is nie, se gesin het ʼn HOP-huis van die Stad Ekurhuleni ontvang.

Burgemeester Mzwandile Masina het ná die tragedie in Februarie 2017 onderneem om die gesin se aansoek, om ʼn HOP-huis te bekom, te bespoedig. Raadslid Lesiba Mpya, burgemeesterskomiteelid vir menslike nedersettings, het Woensdag die huis aan die gesin oorhandig.

Richard het by die Jerusalem- informele nedersetting in Boksburg saam met maatjies gespeel toe hy in die ou mynskag geval het. Die skag is sedert 1950 nie meer in gebruik nie. Ondanks verskeie reddingspogings deur die stad se nooddienste, is die soektog afgelas toe dit te gevaarlik geword het om verder na hom te soek.

“Ons oorhandig vandag hierdie huis ter herinnering aan Richard. Ons word bemoedig dat die gesin nou hul menswaardigheid kan terugkry met ʼn ordentlike huis,” het Mpya gesê.

Volgens hom het die stad R30 miljoen geoormerk vir behuising van ongeveer 3 500 inwoners van Jerusalem- informele nedersetting.

Herblokkering van informele nedersettings in Ekurhuleni is ook op dreef om rampe soos die een wat die Thole-gesin getref het, en brande te verminder en om basiese dienste te verskaf soos water, elektrisiteit, sanitasie en toeganklike strate tydens noodgevalle.

Lees alle vorige berigte oor Richard Thole op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
leser

met al die korrupsie wat aan die orde van die dag is, wanneer gaan die hop huise ooit ‘n realiteit word

Estelle

Sus die massas met ñ goeie daad hier en daar…

Johannes

…o nê? En wat kry die families en oorlewendes van PLAASMOORD slagoffers?

Elize

Moet n kind eers dood gaan voor daar iets gedoen word. N huis kan nooit op maak vir die seer waardeer daai ouers gaan nie. Wat van al die kinders wat se ouer/ouers gesterf het in die polisie aan diens, plaas moorde en so kan ek op noem. Ek wonder maar net.

Wie Weet

As sy liggaam nooit gevind is nie, Wie se hy het daar ingeval en is nie ontvoer nie.
N huis Sal nie daardie mamma se hart beter Maak nie.