Hospitaal-fondsinsamelaar in hof oor bedrog

Victoria-hospitaal (Foto: SA Doctors at your fingertips)

Victoria-hospitaal (Foto: SA Doctors at your fingertips)

Leon Engels (67) van Table View in Kaapstad, wat tereg staan op verskeie aanklagte van bedrog, se saak is tot September uitgestel.

Engels het Maandag vlugtig voor landdros Sabrina Sonnenberg in Bellville se gespesialiseerde handelsmisdaadhof verskyn. Ander sake wat egter prioriteit geniet, het daartoe gelei dat die saak tot 12 September uitgestel is.

Engels staan tereg op 41 aanklagte van bedrog.

Volgens die klagstaat is hy in 2005 deur die raad van Victoria-hospitaal in Wynberg aangestel as fondsinsamelaar. Sy pligte het ingesluit dat hy fondse vir die hospitaal moes insamel, dat hy as die raad se sekretaris moet optree en, wanneer dit van hom vereis word, dat hy die raad sal bystaan in administratiewe en finansiële funksies.

As ʼn fondsinsamelaar sou hy 20% kommissie ontvang het, maar hy mag nie die fondse vir persoonlike gebruik aangewend het nie. Staatsaanklaer Jacques Smith beweer Engels het valslik kommissie geëis op fondse wat hy nie self ingesamel het nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

1 Kommentaar

jongste oudste gewildste
Maria van Dieweeck

Wat jy saai, sal jy maai, al is n leuen hoe snel…