HuffPost-blog ʼn ‘hartseer dag vir joernalistiek’

Huffington Post SA (Foto: Facebook/HuffPost SA)

Media24 het Saterdag in ʼn verklaring gesê hy gaan dringend ondersoek instel na ʼn omstrede blog wat deur The Huffington Post se Suid-Afrikaanse uitgawe gepubliseer is wat voorstel dat wit mans hul stemreg ontsê word, en daarna op dié webwerf verwyder is weens talle onsekerhede oor die skrywer van die storie.

Dié blog, getitel “Could it be time to deny white men the franchise?”, het wyd opspraak gewek en die maatskappy is met ʼn storm negatiewe kommentaar getref.

The Huffington Post het vandeesweek gesê die stuk is geskryf deur Shelley Garland – ʼn onafhanklike skrywer wat haarself voorgedoen het as ʼn MA-student by die Universiteit van Kaapstad. Weens die opspraak wat die stuk egter gewek het, is ʼn ondersoek na Garland van stapel gestuur waarna bevind is dat dié persoon nie werklik bestaan nie.

Garland se blog het geargumenteer dat wit mans vir minstens twee dekades hul stemreg ontsê moet word. Sy het die blog onder meer ook gebruik om wit mans te blameer vir Brexit en Trump se oorwinning.

Die blog is vroeër deur The Huffington Post as ʼn “standaard-feministiese teorie” bestempel voor dit verwyder is.

Esmaré Weideman, Media24 se uitvoerende hoof, het Saterdag gesê die maatskappy neem die saak nie ligtelik op nie.

“Die hele voorval het groot skade vir The Huffington Post en Media24 veroorsaak. Verantwoordelike joernalistiek is die hart van dit wat ons doen; dit is die ‘geldeenheid’ waarmee ons werk. In die era van valse nuus, bestee ons redakteurs baie tyd daaraan om te verseker dat die waarheid gepubliseer word. Wanneer ons stelsels misluk, is ons nie net hartseer nie, maar ook woedend. Dis ʼn hartseer dag vir joernalistiek,” het sy gesê.

Andreij Horn, hoof van 24.com, het gesê ʼn volledige ondersoek is van stapel gestuur om te probeer uitpluis hoe die voorval kon gebeur het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Johann

Ill HUFF and Ill puff…en blow the whole thing out of the water. Watse ondersoek? Nou skielik? Bla bla vla….

Bertus J van Vuuren

Vreemd dat ondersoek gedoen word na hòe dit gebeur het, maar nie na wìe fit gedoen het nie. Die IP adres behoort mos redelik maklik nagespoor te word in ons tefnologiese gevorderde samelewing.

w

Hoop dat indien di skrywer opgespoor word hy of sy voor die M RK komm sal verskyn en n groter boete as Sparrow sal opgele word. Kom ons kyk. Hang seke weer af wat is die ras van di skrywer

Mariette

Die hele ondertoon van die blog is in elk geval so seksisties en belaglik dat enige media 2 keer behoort te dink voor hul so iets plaas, ongeag of dit n werklike persoon is of iemand wat onder n skuilnaam skryf. Die blog is sekerlik nie deur n masjien geproduseer nie, slegs onder n vals naam. Weer iemand met n mond vol mening sonder die moed om onder eie naam te skryf

Douw

Weereens ‘n bewys dat media24 totaal anti-wit is.