Huiseienaar steek ‘inbreker’ met mes dood 

polisie-huisroof-crime

(Argieffoto: SA Polisie)

ʼn Huiseienaar van Bethelsdorp in die Oos-Kaap het verbete teruggeveg teen twee mans wat sy huis binnegedring het en het in die proses een van die mans noodlottig gewond.

Die 55-jarige man en sy vrou was Vrydagaand omstreeks 21:00 in die kombuis besig in hul huis in Greenfields toe hulle ʼn harde gehamer aan hul voordeur gehoor het,” het kol. Priscilla Naidu, woordvoerder van die polisie, gesê.

“Twee mans was buite die deur en het daarop aangedring om toegang tot die huis te kry. Die eienaar het hulle toegang geweier, waarna hulle die deur en ʼn venster begin oopbreek het.”

Die twee mans het die huis binnegekom en ʼn geveg het tussen die eienaar en die verdagtes, wat met ʼn mes en ʼn panga gewapen was, uitgebreek. “Die verdagtes het glo gedreig om die eienaar met die mes te steek, waarna hy homself met ʼn mes bewapen het om hom en sy vrou te beskerm.”

Een van die verdagtes, ʼn 19-jarige man, is tydens die geveg met ʼn mes in die bors gesteek en is op die toneel dood. Die ander man het hierna weggehardloop. Die oorledene is intussen geïdentifiseer as Luthando Ndude, ʼn buurman van die huiseienaar.

Volgens Naidu is die ander verdagte se identiteit bekend, maar is hy nog nie in hegtenis geneem nie. Die polisie ondersoek ʼn saak van moord teen die huiseienaar en ʼn saak van huisbraak teen die verdagtes.

“Die huiseienaar is nie in hegtenis geneem nie en sodra die ondersoek afgehandel is, sal die saak na die direktoraat vir openbare vervolging verwys word om te besluit of die huiseienaar aangekla gaan word.”

 

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

64 Kommentare

jongste oudste gewildste
Muffin

Hoop regtig nie die huiseienaar word vervolg nie. Baie braaf gewees. Die inbreukers was gewapen en moet ook aangekla word vir poging tot moord op huiseienaar en sy vrou.

Outoppie

Selfverdediging en nou het hy sommer moord gepleeg. Wat soek hul in sy huis

Willehond

Hoekom inbreker in aanhalings tekens? Hulle het mos ingebreek? Of noem ons dit deesdae vriendelike gewapende gaste?

Onnie

Wag eers voor julle di ou n bells gee. Iets klink ni reg ni, di inbreker was sy buurman.???

Zoro

Jou woning is die plek waar jy die veiligste moet wees uit alles en almal se pad – dan kom dié tipe rampokkers en bedreig jou veiligheid – nou moet jy hel deur gaan om nog aangekla te word omdat jy jou gesin en eiendom beskerm. Pure twaak – kla die eienaar danaan vir straflose manslag en kla .