Huiswerker in hof oor video van ‘mishandeling’

Baba Nico. Foto: Verskaf

Baba Nico. Foto: Verskaf

ʼn Huiswerker van Welkom in die Vrystaat is in hegtenis geneem nadat sy op video betrap is waar sy glo haar werkgewer se sewe maande oue baba slaan, het Beeld Maandag berig.

Lt.kol. Thando Mbambo, woordvoerder van die polisie, het gesê Mafsehediso Lisbeth Makashea het op 23 Desember in die Welkom-landdroshof verskyn en is op borgtog van R1 000 vrygelaat. Sy sal weer op 29 Januarie in die hof verskyn.

Die kind se ma, Anna-mi Linde, het aan die koerant gesê dat sy op 21 Desember saam met haar sesjarige dogtertjie gaan inkopies doen het en ʼn handkamera in die sitkamer opgestel het waar Makashea na klein Nico omgesien het.

Linde het aan die koerant gesê dat sy ʼn slegte ondervinding met hul vorige huiswerker gehad het en vir haar eie gemoedsrus wou sien hoe Maskashea haar kinders behandel wanneer sy nie by die huis is nie.

Die video wys glo hoe Makashea vir Nico klap wanneer hy huil, sy kop teen die vloer vasdruk en hom aan sy hempie optel.

Linde en haar man, Org, het strafregtelike klagte teen Makashea aanhangig gemaak nadat hulle die beeldmateriaal gesien het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Sollie

Huiswerkers het nie OOIT na my kinders gekyk nie. Finish en klaar. Ons was arm en my man het weer begin studeer net na my 2e se geboorte en ek het tuis gebly tot hul 3 en 5 was sodat hul na ‘n ordentlike kleuterskool kon gaan en oud genoeg was om presies te kon sê wat hulle wil hê, wat gebeur, wie doen wat ens, maar tot dan het ek tuisgebly. Mens se kinders is kosbaar en as jy wel moet gaan werk as hul heel klein is, wees BAIE uitsoekerig met hul dagsorg. BAIE UITSOEKERIG!! En neem liefs… Lees meer »

pop

Hoekom het mense kinders as hulle nie te alle tye self na hulle kan omsien nie. Pateties om so klein baba by n huiswerker te los. En Solly is reg. Die baba het klaar skade opgedoen!!!!!

Adele

Sjoe… stadig met die klippe gooi! Daar was sekerlik n grondige rede hoekom sy die baba daar gelos het. Feit is… die vieslike versorger het oortree en moet straf kry vir haar dade.

annette

Ai mens, niemand kan in vandag se tye enige iemand sommer goedsmoeds vertrou nie. Ons leef in wilde tye en veral met jou kinders kan mens nie ‘n kans waag nie. Jy weet nie wat gebeur as jy jou kinders sommer in enige mens se hande plaas nie. Betaal liewer meer en los jou kind waar dit veilig is as jy nie anders kan nie en moet werk. Dit is due maar die Hemel weet jy kan nie ‘n prys op jou kind se lewe plaas nie.

Jan

Kinders is al deur pa’s, ma’s, broers, susters, oupas, oumas, vriende en ander famielie lede aangerand. Die media is vol van die tipe berigte. Nou op wie kan ons nog staatmaak?