Huldeblyke stroom in ná kleinhoewe-aanval

Boet Smal. Foto: Facebook

Op 26 Mei het Boet Smal en sy lewensmaat, Esther, sewe jaar se liefde saam gevier. ʼn Week later is hy voor haar oë vermoor.

Huldeblyke het Sondag ingestroom vir Smal wat Saterdagmiddag tydens ʼn aanval op ʼn kleinhoewe in Heidelberg in Gauteng met ʼn mes doodgesteek is. Esther is tydens die aanval in die rug gesteek en in ʼn ernstige toestand na die hospitaal gehaas.

Esther het op 26 Mei ʼn foto van haar en Boet op Facebook gedeel met die woorde: “Vandag 7 jaar by ʼn fantastiese man vir my en pa en oupa en grootoupa. Jy is ʼn wonderlike mens, lief jou.” Smal het op dié inskrywing gereageer met die woorde: “Dankie, my skat, lief vir jou ook. Ek moet jou bedank vir die 7 jaar saam met my.”

Boet Smal en sy vrou, Esther. Foto: Facebook

Talle mense het Sondag op sosiale media hul skok uitgespreek oor die aanval op die paartjie. Abrie Robbies Beetge het geskryf: “Dit was so skok. So dierbare oom kon nie eens ʼn vlieg skade aandoen nie. Duidelik gaan ons hom almal mis.” [sic] Jayne van Staden het geskryf: “ʼn Meer vredeliewende mens as Smal is daar nie.”

Een van die hartroerende huldeblyke het gekom van Ettienne Smal, een van Boet se kleinkinders: “Oupa … Dankie vir die beste kinderlewe en vriend wat oupa was. Ek het nie woorde vir die gat wat in my hart gelaat is nie. Rus sag, Oupie.”

Kapt. Thivhulawi Tshilate, woordvoerder van die polisie, het vroeër aan Maroela Media gesê niemand is nog in verband met die voorval in hegtenis geneem nie. Sake van moord, poging tot moord en huisroof word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Marietjie

Hoeveel nog?? Waarom soveel haat??

anton britz

Dit sal nooit ophou hectic verby

Oupa Kalahari

Boet, ons is jammer hierdie regering en land het jou en Hester gefaal. Wat ‘n besonderse mens was jy nie gewees en sterk in jou Geloof. Jou Liefde vir mens en dier, landskap en die vreugde wat jy altyd uitgestraal het om almal van raad en hulp te bedien, jou respek vir ieder en elk van kleur sal nooit vergeet word nie. Jy en Esther was besonderse mense en die Gemeenskap gaan met baie hartseer van jou afskeid neem en mis. Alle seeninge aan die Smal familie en Esther ons bid vir jou vinnige herstel en gesondheid.

thinus

CR het ernstige woorde en planne gehad die naweek oor politieke moorde ( seker maar so 5 ) taxigeweld,en die misdaad kultuur in SA waar een mens niks daarvan dimk om ‘n ”potshot” te maak op iemand anders nie. Raai wat: hy het niks te sê gehad oor plaasmoorde wat 10 keer erger is nie! WANT HY EN SY PARTY KEUR DIT GOED!

En jy . . . ?

En jy . . . ? Lindiwe Sisulu, wat sê jy van hierdie vlaag onlangse moorde!!??