‘Hulle kan nie die monumente uit ons harte verwyder nie’ – sê Steve

Sunette Bridges met ʼn ketting vasgemaak aan die standbeeld van die geskende kryger. Foto's: Phillip Bruwer

Sunette Bridges met ʼn ketting vasgemaak aan die standbeeld van die geskende kryger. Foto’s: Phillip Bruwer

Meer foto’s van die geleentheid volg onderaan die berig

“Oom Cecil, Tante Vic, Oom Jan en Oom Paul, my liefde vir my erfenis is so sterk dat selfs die vandalisme en verwydering van jul monumente boggerôl kan doen aan die monumente wat julle klaar in my hart het. Dit kan nie uit die hart verwyder of geskend word nie. Dit is hoekom hulle dit haat as ons Die Stem sing, want hulle kan dit ook nie skend of verwyder nie.”

Dit was Steve Hofmeyr se woorde Woensdag op Kerkplein in Pretoria by die voet van Paul Kruger se geskende standbeeld, waar honderde mense bymekaar gekom het in protes teen die vernietiging van Afrikaners se erfenisskatte.

ʼn Soortgelyke byeenkoms is ook in Adderleystraat in Kaapstad by Jan van Riebeeck se standbeeld gehou.

Die protes volg ná ʼn vlaag voorvalle waartydens standbeelde onder meer geskend is. In een van die jongste voorvalle is die standbeeld van Paul Kruger Sondagaand op Kerkplein in die Pretoriase middestad met groen verf besmeer. Pres. Jacob Zuma se “onverantwoordelike en uitlokkende stelling” dat alle probleme in Suid-Afrika ontstaan het met die landing van Jan van Riebeeck in 1652 word vir dié dade verantwoordelik gehou.

Dit het die sanger Sunette Bridges en ander rolspelers genoop om die wiel aan die rol te sit om die byeenkomste te beplan, waartydens Bridges, Hofmeyr en verskeie rolspelers van Afrikaner-gemeenskappe en politieke partye toesprake gelewer het. Almal was dit eens dat die standbeelde daar is om te bly en dat daar nie met die land se geskiedenis en erfenis ingemeng moet word nie.

Deelnemers het plakkate, die ou landsvlag en die vierkleur rondgeswaai, terwyl nuuskierige omstanders toegekyk en soms opmerkings geskree het. Daar was ʼn sterk polisieteenwoordigheid en ook ander veiligheidsbeamptes.

Van die plakkate wat rondgeswaai is, het gelui : “Steve vir president”, “Los ons erfenis uit”, “Ons gaan nêrens! Dis ons erfenis en simbole” en “Ek is Jan dit is my skuld. Ons almal is Jan”.

Steve Hofmeyr het omstreeks 13:00 die skare in Engels toegespreek en vir diegene wat erfenisskatte wil afbreek, ʼn paar geskiedenislesse gegee.

“Kruger het goeie verhoudinge met jul voorvaders bevorder. Gaan Google dit, as julle kan lees,” het Hofmeyr gesê. “Hy het oorlog verklaar teen die grootste koningryk in die wêreld en het geweier om onder die Britse vlag te sterf. As julle dit nie oplees nie, sal julle dit nie weet nie. As julle die skole afbrand, gaan julle dit nie kan oplees nie.”

Hy het gesê daar is geen monument in die wêreld wat niemand aanstoot gee nie en gesê politieke party kan soveel monumente bou as wat hulle wil, maar moet dié uitlos wat reeds staan.

Hy het ʼn boodskap aan Julius Malema, leier van die Ekonomiese Vryheidsvegters (EFF), gerig en gesê dit is skynheilig om ʼn beroep te doen dat monumente van kolonialiste verwyder moet word terwyl ander bydraes van Westerse lande aanvaar word. “Lees, skryf, die tegnologie wat jy geniet, sport, paaie, infrastruktuur en selfs die Engelse taal is aan kolonialiste te danke. Engels was die grootste bydrae wat Cecil John Rhodes tot Afrika suid van die Sahara gemaak het.”

Hofmeyr het gesê daar is verskeie Engelse en Afrikaner-aktiviste wat reg staan om terug te baklei sou die skending van erfenisstukke voortgaan, maar het hulle aangemoedig om dit nie te doen nie. “Dit is nie nou die tyd nie, nie vandag nie. Ons gee die regering die voordeel van die twyfel om reg op te tree en ons respekteer die beskawing.”

Hy het afgesluit met Paul Kruger se laaste woorde wat verewig is voor sy dood, waarna hy en Bridges saam met die ondersteuners Die Stem gesing het. Dit het Bridges emosioneel gelaat.

Bridges het haarself daarna met ʼn ketting aan die standbeeld van die geskende kryger vasgemaak en gesê dit is ʼn simboliese teken van wat sal gebeur as die regering dit durf waag om enige standbeelde te verwyder. Sy sou op Kerkplein bly totdat ʼn beampte van die Tshwane-metro ʼn versoekskrif, wat al deur bykans 10 000 mense onderteken is, in ontvangs geneem het. Sy het gesê dit was egter nie nodig nie, aangesien amptenare glo nog voor die verdigtinge om 10:00 sou begin, dit in ontvangs kom neem het. Klik hier om die verklaring te sien.

Bridges het ná die verrigtinge aan Maroela Media gesê sy is baie tevrede met hoe die verrigtinge verloop het.

Hier  volg Hofmeyr se volle toespraak en die sing van Die Stem:

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

65 Kommentare

jongste oudste gewildste
Pierre Celliers

Goed, dis nou verby, die optog, die toesprake, wat niemand, behalwe die optog gangers, na geluister het nie en wat buitendien ook hulle sentimente dra. Wat is hierdeur bereik?
Boggerol! En Sunette maak haar met kettings vas aan ‘n beeld! Wat op dees aarde doen dit aan die saak? Net mooi boggerol! Dis tyd vir aksie! Nie self opheffing nie!

RK

Tyd vir aksie se jy Pierre? Mmm… Goed, kom vertel ons bietjie presies wat doen jy vir ons volk toe? Moet nie vergeet om die bewyse te lewer nie hoor. Datums by fotos ens waar jou naam en gesig gekoppel kan word. Tot jy dit kan doen hou jou groot mond van die af wat nie te slap gat is om op te staan nie. Dat ‘n vrou jou moet wys hoe dit gedoen word is ‘n skreiende skande!!!

Jo

Weet iemand dalk of de Klerk ‘n piecejob as sensor by Maroela beklee? Hulle wil nie my antwoord aan RK plaas nie en ek neem dus aan hulle het een of ander renegaat in diens.

Jo

Kom ek probeer weer. Miskien plaas hulle dit nou. RK, ek dink jy verstaan Pierre se plasing dalk verkeerd. Ek het eergister verwys na toesprake, betogings, gesprekke, briewe aan die staat ens. wat telkens geen indruk op die regering gemaak het nie omdat hulle in elkgeval doen wat hulle wil, ongeag wat ons prbeer doen om te red wat daar te redde is. Die rede waarom hulle ons ignoreer is bloot omdat hulle besef ons is gewoon te sleg, papbroekig en lamsakkig om hulle te stop. Ek het net soos Pierre gesê dat die gemoan, gepraat, onderhandel absoluut niks help… Lees meer »

Thinus

Baie dankie, Sunette, Steve en al julle ander wat daar was! Ek skaam my egter vir die klomp hierbo wat mekaar in die hare vlieg in plaas daarvan om saam te begin staan.