Hulp ná brand 900 dakloos laat

Die skuilings in ligte laaie. (Foto: ANA)

Mzwandile Masina, burgemeester van Ekurhuleni, het die rampverligtingsorganisasie Gift of the Givers bedank nadat hulle Dinsdag ingespring en gehelp het toe ’n brand by ’n informele nedersetting in Kempton Park 900 mense dakloos gelaat het.

Die organisasie het gister ’n oproep van die Ekurhuleni-rampbestuurspan ontvang ná die brand by die Pomonaweg-nedersetting waar 200 skuilings deur die loop van die nag in puin gelê is.

Luidens ’n verklaring het Gift of the Givers, die Ekurhuleni-munisipaliteit en die departement van menslike nedersettings ’n memorandum van verstandhouding wat die organisasie in staat stel om geld by die publiek in te vorder om slagoffers gedurende rampe van dié aard by te staan.

Die organisasie kon dus ná die brand warm etes, doeke, sanitêre doekies, komberse, vrugte en gebottelde water aan die slagoffers van die brand voorsien.

Gift of the Givers doen nou ’n beroep op die publiek om te help met enige materiaal wat gebruik kan word om die slagoffers se skuilings te herbou en hulle weer op die been te kry. Dit sluit dakplate, houtpale asook kospakkies, klere en matrasse in.

Lindiwe Sisulu, minister van water, sanitasie en menslike nedersettings, het intussen die departement van menslike nedersettings in Gauteng en die munisipaliteit geloof vir hul vinnige reaksie op die brand.

Inwoners ontvang benodighede.  (Foto: ANA)

“Dit is op dae soos dié dat ons almal met die private sektor moet hande vat en mense in benarde situasies ondersteun,” het die minister gesê.

“Ons loof die organisasies en individue wat hul tyd, kos en ander benodigdhede aan die slagoffers geskenk het.”

Sisulu het verder gesê sy het reeds opdrag aan die departement gegee om elkeen wat deur die brand gestrand gelaat is, van ’n dak oor sy of haar kop te voorsien.

“My hart gaan uit na veral vroue, skoolkinders en bejaardes. Ek doen ʼn beroep op die provinsiale regering en reddingspanne om hulle te prioritiseer,” het Sisulu gesê.

Bel Gift of the Givers se Emily Thomas by 083 652 0315 vir inligting en Badr Kazi by 083 228 1298 vir bydraes.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
susan

Daar is báie erge nood in die Karoo die mense het nie eens tee om te drink. Kom tog nou help bietjie daar ook dit gaan al vir ‘n paar jaar nie goed daar nie.

Retha Basson

Wat jy saai sal jy maai…..

Isa

Het jammer vir hulle gevoel totdat ons vertel is dat hulle onwettig krag gekoppel het en dit het die brand veroorsaak. Ons het elke week krag- of water problem agv van hulle wat alles onwettig gebruik. Nou word ons met klippe bestook asof ons die skuldiges is. Jammer maar wet en orde word nie gehandhaaf nie, almal maak net soos hulle wil. Maar laat dit nou een van ons wees dan is die gort gaar. Hulle lewe lekker uit ons sake.

Thersia

En wat gebeur met die arme diere wat vasgeketting staan terwyl almal onder die vlamme uithardloop ???. …

Heksie

900 onwettige plakkers, die besighede rondom hulle betaal hul elektrisiteit, en EMPD staan en kyk dat niemand dood gery word nie, maar ironies genoeg nou word daar nie “worry” oor die onwettige konneksies wat teen vanoggend reeds weer aan is nie … (Laas week Vrydagmiddag, was daar iemand raakgery aan die oorkant van die pad). Die publiek moet hulle jammer kry en benodighede aandra, waar is die anc regering vir wie hierdie plakkers gestem het? Hoekom is hulle nie daar om te help nie maar van ver uit die gemak van hul warm gemaklike paleise, word daar gesê die Gautengse… Lees meer »