Ietermago in minibustaxi gevind

Die ietermago is in ‘n minibustaxi gevind. (Foto: SA Polisie)

ʼn Ietermago, wat ʼn hoogs bedreigde spesie in Suid-Afrika is, is tydens ʼn roetinedeursoeking in ʼn minibustaxi in Mpumalanga gevind.

Kol. Athlenda Mathe, polisiewoordvoerder, het gesê lede van die polisie se snelspoorreaksie-eenheid en lede van die weermag was in Komatipoort met roetinepatrollies besig toe hulle die voertuig op die Mananga-pad deursoek het.

Die twee buitelanders in wie se besit die ietermago gevind is, is in hegtenis geneem. Hulle is boonop onwettig in die land.

“Die span het die twee gearresteer en die dier, wat intussen in die sorg van die Mpumalanga-toerisme- en parkeraad geplaas is, gered,” het Mathe gesê.

(Foto: SA Polisie)

Die twee mans verskyn na verwagting Dinsdag in die Komatipoort-landdroshof op aanklagte wat insluit oortredings van immigrasiewetgewing en wetgewing oor die besit en vervoer van wild.

Die polisie het die afgelope paar weke verskeie vermeende wildsmokkelaars wat met ietermago’s betrap is, in hegtenis geneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

10 Kommentare

lodewyk ·

Verbeel ek my of word al hoe meer misdaad in SA verbind to buitelandse burgers en dan nog onwettig ook in die land? -Wys jou die ANC het beheer verloor oor ons grens beheer!!

Adeline ·

Wel die grensdrade is stukkend – geen beheer nie en grensposte word deur korrupte beamptes beman en die taxi mafia vertel die regering wat hulle gaan doen – so anargie – gaos en wetteloosheid is ons land se droom!!

Scalla ·

Die anc het mos die grense oopgegooi vir hul buitelandse comrades.

Chris dupreez ·

Sluit die taxi bestuurder ook toe ,dit is in sy voertuig gevind.

Niklaas ·

Die buitelanders sal gou gedeporteer word en saak afgehandel. Soos die renosterstroper saak waar die meesterbrein, ‘n man van Vietnam sonder tronkstraf gedeporteer was. Dis mos geen straf nie, net’ n beslommernis om weer hier uit te kom.

LANA is ELANè ·

Jitte, jitte soms moet ek net doodstil bly, want ek kan hier in groot moeilikheid kom!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.