Vier verdagtes is agter tralies nadat hulle naby Northam in Limpopo met ʼn ietermago, ʼn hoogs bedreigde spesie, betrap is.
Kol. Moatshe Ngoepe, polisiewoordvoerder, sê die polisie het ʼn wenk uit die gemeenskap gekry dat die vier met ʼn Nissan Almera ry en in besit is van ʼn ietermago – en het blitsig toegeslaan.
“Die verdagtes se voertuig is opgemerk, hulle is voorgekeer en die voertuig is deursoek. Een ietermago is weggesteek daarin gevind,” het Ngoepe gesê.
Die vier is summier in hegtenis geneem en die polisie het beslag gelê op die ietermago.
Die verdagtes verskyn binnekort in die Northam-landdroshof.
Ai siestog, dis so n onskadelikke diertjie… Nou is die China ge-ball sal Genis en Serfaas se…
Mooi man. Suit hulle toe en gooi die sleutel weg
Sal graag meer detail oor die vier gearresteerdes wil hoor…
Ag wonderlike nuus!!…Hoop hy maak dit..
“Most poached animal in the world” – maak asb voorbeeld van die spul en pas swaarste strawwe moontlik toe!