Impak van beurtkrag op ekonomie ‘katastrofies’

Foto bloot ter illustrasie. (Argieffoto: pixabay)

Die land se ekonomie loop ʼn toenemende risiko om nie volkome te herstel of verder te groei nie, weens voortdurende beurtkrag wat sakeondernemings landwyd kniehalter.

Prof. Raymond Parsons, ekonoom by die Noordwes-Universiteit se Besigheidskool, sê hoewel beurtkrag vir kort tydperke ingestel word, moet die uitwerking daarvan op die ekonomie nie onderskat word nie.

“Die gebrek aan energiesekerheid en voorspelbaarheid in Suid-Afrika veroorsaak wydverspreide ontwrigting vir sakeondernemings, veral kleiner sakeondernemings en hul lewensbestaan,” sê hy.

“Hiermee saam styg ondernemings se bedryfskoste al hoe meer wanneer die beurtkragfase vererger. Dit belemmer nie net die groeivooruitsigte vir die ekonomie nie, maar ook toekomstige werkskepping.”

Volgens Parsons veroorsaak beurtkrag ook grootskaalse onsekerheid oor die groeivoorspellings wat deel vorm van die komende mediumtermyn-begrotingsbeleidsverklaring.

“Enoch Godongwana, minister van finansies, moet sekerheid kan hê dat sy vooruitskattings van die land se toekomstige ekonomiese groei nie verder deur die onsekere en uitgebreide beurtkrag verswak sal word nie.”

Talle gebiede in onder meer Pretoria en Johannesburg het reeds Maandag gebuk gegaan onder onbeplande kragonderbrekings, benewens die nuwe fase 4-beurtkrag wat onlangs ingestel is. Luidens berigte is verskeie gebiede reeds langer as 24 uur sonder krag.

Die Black Business Council (BBC) het intussen geëis dat die uitvoerende hoof van Eskom, André de Ruyter, en die Eskom-direksie liefs moet bedank weens hul “onvermoë om die langdurige elektrisiteitsonderbrekings op te los”.

Parsons meen egter dat daar nie ʼn enkele of eenvoudige oplossing soos dié vir beurtkrag is nie.

“Die betrokke leiers in Eskom en die departement van openbare ondernemings moet nou die nodige dringendheid toepas om ten minste kreatiewe korttermynmaatreëls te identifiseer wat kan help om die onmiddellike situasie beter te bestuur en te stabiliseer,” sê hy.

Hoewel pres. Cyril Ramaphosa Dinsdag gesê het hy beplan geen afdankings by die kragvoorsiener nie, het hy sy kommer oor die feit dat die land op ʼn enkele kragvoorsiener staatmaak, uitgespreek.

“Die rigting waarin ons nou moet beweeg, is om Eskom te herstruktureer en ʼn aparte entiteit te hê vir opwekking sodat daar krag by ander entiteite aangekoop kan word. Die staat moet egter steeds die transmissie besit, maar dit is belangrik dat daar ʼn mate van mededinging is,” het Ramaphosa gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

21 Kommentare

jongste oudste gewildste
Kokerboom

BBC (so eensydig rassisties: hoe kan jy ‘n dooi perd opwek wat 27 jaar lank vergiftig is? U gebrek aan begrip en blaamplasing is verstommend! In 27 jaar kon jy meer as genoeg alternatiewe kragbronne daargestel het!!Nee wat steek hand in eie boesem

groenboer

Cyril, dit was jou eie party se beleid dat daar net een kragvoorsiener moet wees. Bly jy begin ook nou sien dat dit dalk ‘n probleem kan wees as mens al jou eiers in een mandjie ronddra – dalk moet iemand dit vir Oom Gwede ook verduidelik.

In ieder geval, dit is nou gedane sake en kla help nie. Ons sal almal maar moet plan maak om sover ons kan ons eie aanvullende krag op te wek. Ek voorsien nie dat beurtkrag enige tyd binnekort gaan eindig nie, indien ooit.

Shakespeare

ALLES Is katastrofies van die ANC/ EFF se oorname, inmenging en vernietiging. Nie net Evkom alleen nie. Dit het hulle baie minder as 20 jaar te vat om RSA ‘n ” dumpheap” te verander.

Pieter

Anc gemors voetsek

Diline

Die korrupte ANC regering is verantwoordelik vir AL hierdie gemors. Wil mos verbete vasklou aan Eskom want hulle self word bevoordeel hieruit. André de Ruyter kan niks hieraan doen nie, hy het self op TV onderhoud gese dat daar ander alternatiewe voorgele is aan die regering om hierdie probleem op te los MAAR moet deur die Regering goedgekeur word, en dit gebeur net nie. Hierdie gemors kan net voor een se deur gele word en dit is die “korrupte regering”