Impak van Bloedrivier-slagting op versoening bekyk

Dr. Will Gordon van die Departement van Geskiedenis aan die Universiteit van Zoeloeland. (Foto: Verskaf)

Dr. Will Gordon van die Departement van Geskiedenis aan die Universiteit van Zoeloeland het onlangs die Erfenisstigting in Pretoria besoek om navorsing te doen vir ʼn projek oor die Slag van Bloedrivier.

Tydens dié bekende slag op 16 Desember 1838 het 464 Voortrekkers teen meer as 10 000 Zoeloevegters te staan gekom. Daar word geskat dat meer as 3 000 Zoeloes tydens die konflik gesterf het terwyl slegs drie Voortrekkers, insluitend die leier Andries Pretorius, beseer is.

Volgens Gordon kan dié geskiedkundige gebeurtenis ʼn impak op versoening in Suid-Afrika hê. Dit kan beskou word as ʼn gebeurtenis wat kulture kan laat bots, óf die geleentheid skep om versoening in Suid-Afrika te bevorder.

“Ek het hier [by die Erfenisstigting] goed gekry wat ek definitief nie op enige ander plek in die wêreld sou kon vind nie. Ek het onder meer op briewe van die publiek in die argief afgekom wat 100 jaar ná die Slag van Bloedrivier by die hoeksteenlegging van die Voortrekkermonument geskryf is. Dit skep ongelooflike historiese perspektief,” sê Gordon.

Dr. Will Gordon. (Foto: Verskaf)

“Geskiedenis is oorhoofs die geskiedenis van politiek en konflik en dié geskiedkundige gebeure stimuleer vrae, soos oor versoening, by ’n mens.”

Gordon is reeds maande lank besig met die navorsingsprojek en beoog om dit vanjaar af te handel.

“Ek het op die internet op die Voortrekkermonument en die Erfenisstigting afgekom. Dit is ongelooflik om al die materiaal wat in die argief en biblioteek beskikbaar is te sien en om navorsing te doen oor geskiedkundige gebeure.”

Die Erfenisstigting nooi alle navorsers om besoek af te lê by die stigting met die oog op navorsing. Navorsers kan 012 326 6770 skakel om ʼn afspraak te maak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

28 Kommentare

jongste oudste gewildste
marius

En Isandlwana het geen impak op versoening nie ? Want die britse empire het pakslae gekry (1300 dood) en ‘n hand vol boere vroue en kinders (464) het nie een gesterf nie . Dis hoekom en almal weet wat die verklaring daarvoor is maar is te skaam om dit te erken . Dis die waarheid .

Nikolaas

Wat sou die impak op versoening wees om na die Slag van Bloedrivier as die Bloedrivier-slagting te verwys?

Sekerlik nie goed nie.

Karen

Versoening? Nee

Gert

Gelukkig kan geskiedenis nie verander word nie. Daar was geen versoening op 16 December 1838 nie en soos ons belowe het sal ons die dag nog steeds nie as ‘n versoeningsdag herdenk nie. Ons bly dankbaar teenoor ons Skepper dat Hy ons Voorouers teen hulle voornemende moordenaars beskerm het, en dis iets wat nooit gaan verander nie.

Misky

Vertaal so bietjie van daai inligting en bewyse en stuur na die nodige partye wat altyd dwarstrek en nie glo nie. Ons as SA’ners weet waaroor dit gaan, die ander nie