Implats gaan duisende werkers aflê

mynboubedryf-mynbouhandves-steenkool

Foto: Hangela/Pixabay.com

Impala Platinum (Implats) het aangekondig hy gaan 13 000 mense aflê in ʼn poging om dié mynmaatskappy weer winsgewend te maak.

Implats het Donderdag in ʼn verklaring gesê drastiese herstrukturering is nodig om mynbou in ʼn volhoubare toekomstige posisie te plaas.

Die herstrukturering sal oor ʼn tydperk van twee jaar plaasvind. Dit sluit onder meer in die afskaling van 11 na slegs ses operasionele skagte om die jaarlikse vervaardiging van platinum van 750 000 fynons na 520 000 fynons te verminder, asook om permanente werknemers en kontrakteurs van 40 000 tot 27 000 te verminder.

Die vermindering in die aantal fynons wat geproduseer word, sal luidens die verklaring hoofsaaklik plaasvind om niewinsgewende platinumproduksie uit ʼn oorversadigde mark te verwyder.

Sowat 9 000 permanente werknemers en 4 000 kontrakteurs se werk kan in die slag bly.

Die myn voer aan dat die instelling van dié maatreëls oor ʼn twee jaar lange tydperk die sosio-ekonomiese uitwerking sal verminder. Hulle sal alles in hul vermoë doen om betrekkings te behou.

Dié herstruktureringsplan is deur Implats se raad van direkteure goedgekeur en vind hoofsaaklik plaas weens “ʼn beduidende afname in die Amerikaanse dollar-platinumprys en volgehoue hoë inflasie op mynbedryfskoste”.

Die herstruktureringsproses sal altesaam R2,7 miljard kos en in die boekjaar 2019-’20 voltrek word.

“Die herstruktureringsplan sal gefinansier word deur interne fasiliteite en die verkoop van voorraad.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Staak

Hier kom weer n 6 maande lange staking!

Theresa B

Moenie die plunder, aanrandings ens daarmee saam vergeet nie…………..

Wasgewaarsku

Die mynbousektor het die regering oor en oor gewaarsku dit gaan gebeur as hulle so beleggeronvriendelik is.

Wanda

My hart gaan uit na die mense wat sonder werk gaan sit. Dit is vreeslik om my mense te sien swaar kry

Jacques

Hoekom staak hulle nie nog n bietjie nie , hulle het mos baie geld en kan dit bekostig om vir weke by die huis te sit of voor die hekke te gaan staan en skree ? Dit is nou wat ek noem slim vang sy baas .