Die polisie in Noordwes is op soek na ’n 15 maande oue baba wat oor die naweek vermoedelik uit haar ma se arms in Jouberton, Klerksdorp, gegryp en ontvoer is.
Kol. Adele Myburgh, woordvoerder van die polisie, sê die voorval het Saterdag omstreeks 20:00 plaasgevind.
Volgens die kind se ma (20) het sy en haar baba by haar kêrel se huis gelê en slaap toe sy wakker word en ’n onbekende man in die huis opmerk. Die man het glo die baba by die ma gegryp en op die vlug geslaan. “Die ma was ten tyde van die voorval alleen by die huis,” het Myburgh bygevoeg.
’n Selfoon is ook gesteel.
Die polisie ondersoek ’n saak van huisbraak en ontvoering.
Waar is die biologiese pa – gaan kyk heel eerste daar rond.
Die kêrel was ook nie tuis nie?? Ek ruik ‘n rot.
As die storie waar is, is dit ‘n verskriklike hartseer, as die storie vals is, is dit ‘n verskriklike ma wat die kindjie het.
Die aard van die misdaad? Is daar ‘n losprys-gierigheid. Anders is dit net nog n aanduiding dat die lewe niks beteken vir baie mense nie.
Stem saam kyk maar eerste na die kerel