“Next time kip cash 4 us” lui die boodskap. Foto: Verskaf
ʼn Inbreker het Dinsdagaand ʼn boodskap vir sy slagoffers op die yskas van ʼn plaasskool in Gauteng gelos.
“Next time kip cash 4 us” [sic] lui die boodskap van ʼn verdagte wat deel was van ʼn onbekende aantal inbrekers wat by Laerskool Kwaggafontein in Krugersdorp ingebreek het.
Konst. Lucky Matome, polisiewoordvoerder, het aan Maroela Media gesê volgens die alarmstelsel het die inbraak omstreeks 23:30 plaasgevind.
“Die verdagtes het toegang tot die skoolperseel gekry deur die vurkheining te breek. Hulle het toegang tot die skoolhoof se kantoor gekry deur die dak,” het Matome gesê.
Die inbrekers het die kantoor geplunder en onder meer rekenaarware, ʼn plasmatelevisie, mikrogolfoond en gereedskapskas met gereedskap gebuit.
Hulle het die boodskap op die yskas in die hoof se kantoor geskryf voordat hulle gevlug het.
Die Tarlton-polisie ondersoek ʼn saak van inbraak by ʼn onderneming. Niemand is nog in verband met die voorval in hegtenis geneem nie. Die polisie doen ʼn beroep op die publiek om hulle by te staan in die ondersoek. Mense met inligting oor die voorval, word versoek om konst. Portia Mashego by 011 952 0034 of 072 754 2639 te bel.
Die inbraak volg kort nadat daar oor die naweek by ʼn vooraanstaande laerskool in Centurion ingebreek is, waartydens nagenoeg R800 000 se ware gesteel is. Lees meer hier.
Daar moet nuwe skole gebou word, dis hoekom al die skole nou so geteiken word.
as ek so na die spelling kyk moet hulle eerder in die dag as in die nag by die skole rondhang
Eugene, ek stem saam!
Stel ‘n lokval vir di………
Die enigste “kip” wat ek ken, is “kiep” wat slaap beteken. Eugene, jy is só reg! Net jammer dat die hele skool dan dalk afgebreek gaan word.
Arrogante klomp geen vrees vir die wetstoepassers nie ook geen opvoeding om te weet wat reg en verkeerd is nie
Kip is n hoender maar ook n karavaan maar ons verstaan wat hulle bedoel, hy het nooit leer spel nie want toe was die skole ook al afgebrand.
Miskien moes mnr inbreker eerder langer op skoolbanke gesit het dan kon die gek dalk leer spel het.
Klomp arrogante verpestings, dit is nie steel uit honger, soos wat hul nou sal voorgee as hul gevang word nie. Stel elektrisiteit vir hulle en as hulle dit die minste verwag lekker schock.
Zumpi se kinders leer by die meester
Geen probleem. Lesufi sal hul uitsorteer.
Ai, laat n mens onwillekeurig terug verlang na die dae toe skoolheinings 3 voet hoog was, hekke nie gesluit was nie en die enigste probleem kinders was wat oor die swembad hek geklim het om naweke te swem.
Dit is die direkte gevolge van regstellende aksie. Dit het n sneeubal effek ten koste van almal behalwe die dik gevrete politisie en hul aanhangsels – werkloosheid wat lei tot misdaad, onbevoegde polisie en die staat in geheel, kriminele wat weet hulle gaan wegkom daarmee, minder buitelandse bellegers, afgradering,meer werkloosheid,ens. Regstellende aksie moet aan die groot klok gehang word want dis n bose kringloop wat hierdie land gaan vernietig.
Vermetel en arrogant soos kan kom.
Nou hoekom was daar dan nie kontant? Is die skool dalk in die moeilikheid??
Ons land is n Goddelose land.Geen liefde geen God. geen geleerdheid !! geen respek !! waar gaan dit eindig ?????
As die alarm afgegaan het, waar was die polisie/sekuriteit dan?
Don’t burn the schools A-H then you may be able to spell “Keep”!
Dit is wat gebeur as leiers wetteloos word en die langarm van die wet probeer ontduik as hul self soos nr 1 meer as 700 klagtes systap.