Ingrypende elektrisiteitsverhoging dalk op pad

Argieffoto (Foto: baptisteh, Pixabay)

Argieffoto (Foto: baptisteh, Pixabay)

ʼn Verhoging in elektrisiteitstariewe van tot 17% kan Suid-Afrika se voorland wees, indien Eskom sy sin kry.

ESI Africa berig die Nasionale Energiereguleerder (Nersa) gaan later vandeesmaand met nasionale verhore begin wat onder meer sal fokus op Eskom wat in 2013/14 R22,8 miljard te min ingevorder het en dit nou deur die sogenaamde reguleringsaansuiweringsrekening (RCA) wil verhaal.

R8 miljard van dié bedrag is aan diesel bestee aangesien Eskom diesel moes gebruik om krag op te wek toe die land destyds onder kragonderbrekings gebuk gegaan het.

Indien Eskom se aansoek om die geld te verhaal suksesvol is, kan Suid-Afrikaners moontlik van 1 April ʼn verhoging van tot soveel as 17% te wagte wees. Die huidige beplande verhoging van April af is 8%.

Die eerste openbare verhoor is op 18 en 19 Januarie in Kaapstad, waarna daar ook verhore in Port Elizabeth (20 Januarie), Durban (21 en 22 Januarie), Mmabatho (25 Januarie), Kimberley (27 Januarie), Bloemfontein (28 Januarie), Nelspruit (1 Februarie) en Polokwane (3 Februarie) sal plaasvind. Die laaste verhoor is op 5 Februarie in Johannesburg.

Nersa het lede van die publiek en ander belanghebbendes wat voorleggings wil doen en die verhore wil bywoon gemaan om hul versoeke teen Woensdag 13 Januarie om 16:30 in te dien.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Berhalet Beukes

Ag nee regtig, dis verregaande dat Eskom nie geld insuig soos ‘n spons en net nooit hulle skuld op datum kry nie! Hoeveel verhogings moet ons nog verduur? Waarmee moet ons dit dra? Nee werklik!

DPJ

Deur dat nie-betalers weg kom met moord word ons detalers nou toe gegooi met onbetaalbare tariewe. Wanneer gaan hulle aldie agterstallige geld van die nie-betalers invoerder? Dit is mos baie makliker om tariewe te verhoog en betalers te melk.

Rynhardt

Stygende tariewe=Groter salarisse=Groter bonusse=Groter partytjies=vet katte moet nog lekkerder lewe terwyl SA stagneer!

Liefie

Vir wat die verduiwels krag verhoog. Sny die verdomde nie betalers af!!!!!! Soos byvoorbeeld Soweto!!!! Of sal dit nou rassities ? Ek is keelvol om ander se verduiwelse skuld te betaal!!!!!

Ben (:-)

pla my nie – lanal op Solar – ha ha