Inkomstediens mis voorlopig teiken met sowat R14 miljard

Argieffoto

Die Suid-Afrikaanse Inkomstediens (SAID) het Maandag aangekondig dat hy R1 287 miljard ingesamel het teenoor die R1 300 miljard waarvoor die staat begroot het.

Dit beteken dat die inkomstediens se boeke vir die huidige finansiële jaar voorlopig ʼn tekort van R14,6 miljard of 1,1% toon.

Die SAID se boeke wys voorlopig dat bruto invordering met 8,6% toegeneem het, maar terugbetalings het egter met 22,7% gegroei in ooreenstemming met die aankondiging in Oktober dat meer BTW-fondse in die ekonomie teruggestoot sou word.

Volgens die inkomstediens was die grootste bron van inkomste vir die huidige boekjaar van persoonlike inkomstebelasting afkomstig wat gesorg het vir R493,8 miljard of 38,3%. Belasting op toegevoegde waarde (BTW) het R324,6 miljard of 25,2% ingevorder en maatskappybelasting het op sy beurt R214,7 miljard bygedra.

Doeanebelasting het R55,2 miljard bygedra.

Die DA het Tito Mboweni, die minister van finansies, gevra om ’n duidelike plan op te stel om ʼn ommekeer teweeg te bring in wat oor die afgelope paar jaar bekend staan as ʼn chroniese onderverhaling van inkomste.

DA-LP Alf Lees het gesê vandag se mistroostige nuus is deels te wyte aan ondoeltreffendheid by die inkomstediens tydens die ampstermyn van die afgedankte kommissaris Tom Moyane.

Volgens Lees het waarnemende kommissaris Mark Kingon tog effense verligting gebring, maar die wanbestuur van die ekonomie het egter die inkomstediens se teiken gekniehalter.

“Die werklike en wesenlike redes vir tekortkominge spruit voort uit ’n sukkelende Suid-Afrikaanse ekonomie wat deur die ANC se wanbestuur benadeel word asook die ANC se voortdurende korrupsie,” het Lees gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Foeitog

Klink vir my na ‘n opsie om nog meer uit landsburgers te mergel!!!

Jacobus Krynauw

Ja, dan word ‘n onbeduidende klein bedraggie wat aan my verskuldig is ook teruggehou!?6

Saint

Is hierdie analise onredelik?
Boere en groot beighede maak groot verliese weens regeringsbeleid en droogte.
Dit beteken baie minder belasting betaalbaar.
Op sy beurt kan die fiskus nie meer sy belasting teikens bereik nie en n spiraal na laer taksinkomstes volg.
Tot sover my analise.

DA BO

En vertel bietjie vir ons hoeveel geskoolde belasting betalende mense het die land verlaat??. Maar dit sal die regering nooit as te nimmer erken nie.

Elsa

Knap gedaan. Goed gedoen in die omstandighede in ons land.

En minder om “weg te dra”