Ao. Lorraine van Emmerik, woordvoerder van die polisie, het gesê die saak is tans by die staatsaanklaer wat besluit of daar enigsins grond vir vervolging is. ʼn Aanklag van kinderverwaarlosing is teen die seuntjie se ma aanhangig gemaak en sy het reeds in die hof verskyn.
Sy is egter vrygelaat terwyl verdere ondersoek gedoen word.
Maroela Media het vroeër berig die seuntjie is op 12 Junie naby die inkopsiesentrum gevind en ʼn grootskaalse soektog is van stapel gestuur om sy ouers te vind. Sy ma, vermoedelik 29 jaar oud, is die volgende dag in The Hill in Johannesburg deur lede van die GPF gevind nadat haar familie die seuntjie geëien het.
Maroela Media weerhou die ma en seun se name om die seun se identiteit te beskerm.
Lees alle vorige berigte oor die inkopiesentrum-kleuter op Maroela Media.
Ek hoop regtig sy kry die kans om hom vir aanneming te gee, doen die wyse besluit en gee hom, ek weet van wonderlike ouers wat hom sal aanneem en grootmaak met liefde en omgee, dit is al wat hy kort! Sy was dalk desperaat en wou nie later as die slegte Ma of mens uitgewys word nie, ons ken ongelukkig nie haar omstandighede, wens ek het, dan sou ek jou beslis gehelp het!!!! Iemand van ver!
So, so hartseer. Miskien is die stomme kind beter af waar hy nou is. Ek sal bid dat hy goeie aanneemouers kry. Daar is so baie mense wat bid en verlang na n kind van hul eie en dan kry jy hierdie gevalle.