Robert McBride Foto: Werner Beukes/SAPA
Khotmotso Phahlane, waarnemende polisiehoof, en Robert McBride, hoof van die onafhanklike polisieondersoek-direktoraat (Opod), sal volgende week voor die parlement moet verskyn in verband met aantygings dat daar glo ingemeng word met ondersoeke wat teen polisiebeamptes uitgevoer word.
Francois Beukman, voorsitter van die portefeuljekomitee oor polisie, het Woensdag in ʼn verklaring gesê dat hy diep bekommerd is oor berigte dat beamptes van die polisie inmeng by hoëprofiel sake van Opod.
McBride het verlede week tydens ʼn vergadering van die komitee dié aantygings gemaak.
“Opod is ingevolge die Grondwet gestig om enige beweerde misdrywe deur lede van die polisie te ondersoek en enige onwettige inmenging by die ondersoeke kan nie toegelaat word nie,” het Beukman gesê.
“Dit is noodsaaklik dat ons op die hoogte gehou word van verwikkelinge in hierdie verband. Ons het versekering van die polisie nodig dat daar geen opsetlike pogings is om die grondwetlike mandaat van Opod te ondermyn nie,” het Beukman bygevoeg.
wie het in watter ondersoeke ingemeng?
Polisie is deurtrap korrup!!!
Twee verskillende pole, bomplanter en musiekliefhebber, hulle het toe iets in gemeen.