Internasionale sportmanne maak stemme dik oor plaasmoorde

Kevin Pietersen. Foto: Twitter.

Te midde van ’n vlaag van wêreldwye ondersteuning vir die Black Lives Matter-beweging, is daar ook sportlui wat hul stemme teen plaasmoorde in Suid-Afrika dik maak.

Kevin Pietersen, wat in 2000 Suid-Afrika vir Engeland verruil het en deur kenners soos sir Geoffrey Boycott as een van die beste Engelse spelers ooit bestempel word, het plaasmoorde op sosiale media veroordeel.

“Hoewel ek die afgelope maand oor die wonderlike natuurskoon van Suid-Afrika geskryf het, is daar ’n reusekwessie rakende plaasaanvalle. Dit is ’n daaglikse en tragiese gebeurtenis. Wit boere word gewelddadig aangeval en vermoor, dit is net heeltemal verkeerd en internasionale ingryping word benodig!” het Pietersen op sosiale media geskryf.

Sy kommentaar het kwaai reaksie ontlok: Hy word deur sommiges ondersteun, terwyl ander weer meen dat moorde in Suid-Afrika nie tot ’n spesifieke ras beperk word nie.

Die Engelse kolwer, wat drie agtereenvolgende honderdtalle in sy eerste reeks teen Graeme Smith se Proteas geslaan het, het ’n kort rukkie gelede weer oor die kwessie getwiet.

“As jy net na die reaksie en kommentaar op my twiet van gister kyk, kan jy sien hoe ’n groot kwessie dit eintlik is. Dit is ’n tragiese stand van sake, barbaars en net pleinweg wreed.”

Dan het die bokser en voormalige IBO-kampioen, Chris van Heerden, ook oor plaasmoorde geskryf.

Hy wou destyds sy bekendheid as internasionale sportman gebruik om die wêreld in te lig oor die gebeure in Suid-Afrika nadat sy pa koelbloedig vermoor is.

Danie van Heerden is in Desember 2018 naby Vereeniging doodgeskiet. Daar is destyds berig dat sy vermeende moordenaar op borgtog van R5 000 vrygelaat is.

“Ek is lief vir Suid-Afrika – die reënboognasie. Ek is lief vir die mense en vir alles wat die natuur ons kan bied,” het hy onlangs op sosiale media geskryf.

“Maar wit boere word op ’n gewelddadige wyse teen ’n kommerwekkende koers vermoor en dit word onder die mat ingevee. Dit moet onder die wêreld se aandag gebring word.”

In Amerika is sportwedstryde verlede week tot stilstand geruk ná Jacob Blake, ’n swart man, deur polisie in die staat van Wisconsin geskiet is.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
marius

Dankie mane . Suster Chips en kie is egter tjoepstil daaroor .

Pieter

Ja want Rasisme word net eenkant gesien en wittes luister te gou is tyd ons brand af en verwoes tot ons gehoor word. Rassisme: Soos in Suid Afrika: “Rassisme dui op die sosiale, ekonomiese of politiese diskriminasie teenoor ‘n persoon (Minderhied groepe) gebaseer op ras en/of velkleur en haat. Ook die uitsluiting of weiering van sekere regte en voorregte, soos toegepas word deur BEEE en Black privilege van Suid-Afrika.”- ALL LIVES MATTER!!

Suzette

Ek is baie dankbaar dat hierdie manne hulle stemme laat hoor – ek hoop daar volg nog BAIE!! Dit is goed dat die hele wêreld hoor hoe dit in hierdie land gaan. Wonder wat sal gebeur as die buitelandse fondse afgesny word en sekere vereistes gestel word en TOEGEPAS word om minderhede in hierdie land te beskerm. Dan raak die trog leeg vir die kaderregering – ruk die sak en miskien kan dit hulle tot besinning bring.

nell

Nou maar as plaasaanvalle dan verkeerdelik ‘n spesifieke ras impliseer, waarna verwys ”Black lives matter” – waarmee die sportlui so oorhoops is – dan??

Danie

En blake was n krimineel! So buig maar jou knie want kriminele is die in ding in SA!????