It’s Time 2018.: ‘Die grootste Christelike byeenkoms nóg’

Foto: Facebook via Angus Buchan.

Die voorbereiding vir Angus Buchan se bekende It’s Time-gebedsbyeenkoms wat dié jaar in Pretoria gehou word, is reeds sterk aan die gang.

Die byeenkoms vind op 27 Oktober by die Rhino Park-vliegveld net buite Pretoria plaas en Buchan sê hulle bid dat miljoene mense dit sal bywoon. Hy beskryf dit as die grootste Christelike geleentheid wat die land nóg gesien het.

“Die korrupsie, geweld, haat, rassisme en moord – dit moet stop! En die enigste manier wat dit gaan stop is as God se mense saamkom in een plek op een tydstip om te bid – en ons kom 27 Oktober bymekaar.”

Buchan het benadruk dat dié geleentheid nie ʼn Shalom-inisiatief is nie, maar dat dit ʼn inisiatief vir die nasie is. Hy het sakemanne gevra om hul ondernemings op daardie dag te sluit. “As jou geloof niks kos nie, is dit enigiets werd?”

Logistieke reëlings

  • Voorbereidings op dié stuk grond is al vir ʼn maand aan die gang en kon begin nadat een persoon 1 000 liter brandstof geskenk het vir die toerusting wat gebruik word vir die voorbereiding.
  • Daar is ʼn gebied van 2 000 ha bekom vir die geleentheid.
  • Daar word tans betonpype gelê sodat voertuie maklik toegang kan hê na en van die parkeerterreine.
  • Die parkeerterrein is 2 800 rugbyvelde groot.
  • Stootskrapers is besig om die toegangspunte so wyd as moontlik te maak om maklike verkeersvloei in en uit die venue te verseker. “Ons doelwit is om geen opeenhopings te hê nie.”
  • Rondom die grond waar almal sal sit, parkeer en kamp is die velde skoongebrand om “pragtige groen gras betyds vir die groot dag te bevorder”.
  • ʼn Groot hoeveelheid motors, busse, vliegtuie en voetgangers word op die dag verwag en die GPS-koördinate van die parkeergebied sal nie bekend gemaak word nie aangesien alle motoriste by dié presiese ligging sal probeer uitkom en dit sal “omvattende verkeersknope en voetganger-risiko inhou”.
  • Kampering word aangemoedig en kampeerplek is gratis beskikbaar in die omgewing rondom die venue. Kampering is beskikbaar van 25 Oktober tot 29 Oktober.
  • Daar word ook brûe gebou.

Buchan het gesê daar moet planne gemaak word om die armes, die bejaardes en gestremdes na dié geleentheid toe te bring. “Ons is so dankbaar vir die verskeie grondeienaars wat hul grond beskikbaar stel – selfs al loop hulle die risiko om nie betyds te wees vir die plantseisoen nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

66 Kommentare

jongste oudste gewildste
Heidi

Ons was by Bloemfontein Its Time. Moet dit nie misloop nie!

Cornelia

Hoe sê mens dankie? HALLELUJA! Dankie Abba, Vader. Dankie, Dankie.

Casper Labuschagne

Die “Grootste Christelike geleentheid wat die land nog gesien het” is waar tientalle miljoene elke aand op hul knieë gaan en nie enkele ‘n groot samekoms in ‘n verre stad wat die rekords moet breek nie. Ek skiet glad nie vir Buchan af nie, maar dit is die gebrek aan die daaglikse groter byeenkoms wat my ontstel, en dit moet ons eerste prioriteit wees.

Annatjie du Raan

Ek wil dit graag bywoon, maar het nie ‘n idee waar dit is nie. Kan julle my asseblief laat weet hoe om daar te kom. Die Here sal die Boere seen wat lande beskikbaar stel. Seen op die byeenkoms.

Dankie

So bly hieroor!