Suid-Afrikaners is vandeesweek met koeler temperature begroet en volgens die Suid-Afrikaanse Weerdiens (SAWD) is wintertemperature om die draai.
Temperature oor groot dele van die land het reeds met byna 10 ˚C gedaal.
Afgesien daarvan dat temperature normaalweg dié tyd van die jaar begin daal, veroorsaak ʼn hoëdrukweerstelsel vanaf die Atlantiese Oseaan verdere koel en nat omstandighede.
Reën- en donderbuie het sedert verlede Woensdag oor die oostelike, noordoostelike en sentrale dele van die land uitgesak. Dié nat toestande gaan met koeler temperature gepaard.
Volgens Rejoyce Mohlamme, ʼn weervoorspeller by die weerdiens, word die nat en koeler temperature toegeskryf aan die weerstelsel wat wind van die oostelike kus af waai en vog die land inbring.
Dit sal na verwagting tot ná die naweek voortduur.
“Temperature kan teen volgende week weer effens styg, maar sal steeds in die 20’s bly.”
solank maar die kooi se k’berse reg kry en vere-duvets reg uitskud en die winterklere begin ruil met die somersklere in die kas…
Lekker. Pannekoek, vetkoek en sop weer…
Word nooit regtig winter soos in baie koud by ons nie. Mense wat hier in Durban groot geword het, weet nie wat is ryp nie en selfs hael is absoluut uitsonderlik.
Wat ek die meeste mis van Durbs is die swem in die see reg deur die jaar, selfs al reën dit.
Hier in die Kaap is die see selfs in diep somer vrek koud.
Stem absoluut saam, Lourens.
My gunsteling seisoen! Wat is nou lekkerder as om vroeg in te kruip met ‘n lekker boek.